Informazioa trukatzeko prozedura hobetuko dute EBko herrialdeek
Europar Batasuneko Barne ministroek ezohiko bilera egin dute arratsalde honetan, eta herrialde ezberdinen arteko inteligentzia zerbitzuen arteko harremana hobetzea adostu dute, informazioa azkarrago eta modu eraginkorragoan trukatzeko asmoz.
Horrez gain, Interneteko operadore handiei laguntza eskatuko diete, ustezko terroristen arrastoa sarean jarraitu ahal izateko eta, ondorioz, Parisen eta Bruselan izandakoak bezalako eraso gehiago izatea ekiditeko.
“Hemendik aurrera azkarrago konpartituko dugu informazioa”, esan du Ronald Plasterk Barne ministro holandarrak eta Europar Batasuneko txandakako presidenteak, Bruselako atentatuen ostean deitutako ezohiko goi-bilera amaitu ostean.
“Ez dugu plan berririk behar; aurretik hartuak ditugun neurriak indarrean jartzea da behar duguna, eta horixe da bilera honetan hartu dugun konpromisoa”, erantsi du.
Bi orduko batzarraren ondoren egindako agerraldi bateratuan, Plasterkek adierazi du “premiazkoa” dela herrialde guztiek ahalegin guztia egitea Pariseko eta Bruselako atentatuak nola gauzatu ziren argitzeko eta aktibo egon daitezkeen balizko taldeak zaintzeko.
Gauzak horrela, Europako Barne ministroek ezinbestekotzat jo dute segurtasun, garraio eta migrazio datuak elkartrukatzea. Ildo horretan, datozen asteetan “muga inteligenteei” buruzko proposamen zehatzak egingo dituzte.
Beranduenez, ekainerako aurkeztu beharko dituzte informazioa azkarrago eta hobeto konpartitzeko neurriak.
Horrez gain, Europako Parlamentuari berriro eskatu diote hegazkin bidaiarien erregistroa sortzea ahalbidetu dezala.
Zure interesekoa izan daiteke
Trump catering kamioi batean ezkutatuta eraman zuten NATOk Turkian egin zuen goi-bileratik irtetean
AEBko inteligentzia-zerbitzuek diseinatu zuten plana, presidentearen hegazkinaren aurkako Iranen mehatxu sinesgarri bat antzeman ondoren.
130 hildakotik gora eta 500 zauritu baino gehiago, Kolonbia astindu duen lurrikararen ondorioz
Dozenaka eraikin kolapsatu dira, ospitaleak gainezka daude, aireportu batzuk itxi eta etxeratze aginduak ezarri dituzte, erreskate lanei ekiten dieten bitartean.
Gutxienez 111 hildako eta kalte handiak Kolonbian, 7,4 graduko lurrikara baten ondorioz
Hildakoen kopuru handiena Risaralda departamenduan izan da oraingoz, 40 pertsona hil baitira; Cauca haranean, aldiz, 27 eta lau Chocon, lurrikararen epizentroa. Bogotan, Calin, Popayanen, Manizalesen, Armenian, Medellinen eta erdialdeko eta mendebaldeko beste hiri batzuetan ere nabaritu dute.
Schengen eremua bermatuta dagoela esan dio Aagesenek Italiari
Espainiako Gobernuko presidenteordeak azpimarratu du Ceutan sartutako migratzaileetako bat ere ez dela penintsulara iritsi.
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.