Dilma Rousseff, epaiketa politikoaren atarian
Dilma Roussef Brasilgo presidentea epaiketa politikoaren atarian dago; izan ere, Diputatuen Ganberak prozesuak Senatuan jarraituko duela erabaki du, aldeko 367 botorekin. Kontrako bozak 137 izan dira soilik.
Oposizioak indarra erakutsi du; izan ere, bi herenak aise gainditu ditu (342). Gobernuaren aldekoak, aldiz, prozedura Parlamentuko artxibora bidaltzeko 172 botoetatik urrun geratu dira.
Hala, Rousseff amildegiaren ertzean dago. Bozketak zazpi orduko iraupena izan du. Eztabaida iragan ostiralean hasi eta igandera goizera arte luzatu zen.
2014an eta 2015ean Gobernuaren emaitzak makillatzeko trikimailuak erabiltzea leporatzen diote Rousseffi. Horrela, aurrekontuak dekretuen bidez aldatu, zorrak pilatu eta banku publikoekin kredituak kontratatzea egotzi diote Gobernuari.
?Estatu kolpea?
Rousseffek akusazioak ukatu ditu. Presidentearen abokatuak ?falta? administratibo soilak direla esan du. Gainera, Brasil ?Estatu kolpe? baten aurrean dagoela salatu du, Rousseff kargutik kentzeko nahikoa ez delako.
Bestalde, Rousseffek emaitza ?triste eta haserre? hartu duela azaldu du Jose Eduardo Cardozo Estatuko abokatu orokorrak, baina kolpeak buruzagia ?jota utziko ez? duela bermatu du. Gobernua Gorte Gorenean prozesua bertan behera uzten saiatuko dela aditzera eman du, nahiz eta auzitegiak aste honetan bertan prozedurari babesa eman.
Zatiketa Brasilgo kaleetan. Argazkia: EFE
Epaiketa politikoa
Diputatuen Ganberako tramitea gainditu ondoren, Senatuak batzorde berezi bat osatu beharko du datozen 48 orduetan, akusazioak aztertzeko. Ondoren 81 senatariek batzordearen ebazpena eztabaidatuko beharko dute.
Prozedurak 15 edo 20 egun beharko ditu. Ondorioz, Senatuaren osoko bilkura maiatzaren 10erako deituko dute, epaiketa politikoa hasteko. Senatarien gehiengo sinple batek babesa ematen baldin badio, prozesuak aurrera egingo du.
Prozesua onartzen baldin badute, presidenteak kargua utzi beharko du gutxienez 180 egunetan zehar, Senatuak erabaki arte.
Orduan Michel Temer Brasilgo Mugimendu Demokratikoko (PMDB) buruzagiak Rousseff ordezkatuko luke. Duela bi aste Gobernuarekin hautsi egin zuen presidenteordeak, eta ?impeachment?en alde agertu zen.
Zure interesekoa izan daiteke
Flotillako euskal ekintzaileak gaur goizean iritsiko dira Loiura
Israelek oso tratu bortitza eman dietela salatu dute, kolpatu egin dituztela hezurrak apurtu arte.
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazten du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.