Jihadista batek senar-emazteak ziren bi polizia hil ditu Frantzian
Gizon batek senar-emazteak ziren bi polizia hil ditu bart Paristik gertu, Magnanville herrian, eta Segurtasun Indarrek tirokatuta hil dure ondoren.
Erasotzaileak leialtasuna promestu zion Estatu Islamikoari duela hiru aste. Are gehiago, erakunde terrorista horrekin lotura duen Amaq agentziak hiltzailearen bideo bat publikatu du. "Alari esker, polizia bat eta horren emaztea hil ditut", adierazi du erasotzaileak, hilketak egin ondoren grabatutako bideo batean.
Atentatuaren egilea Larossi Abballa, 25 urtekoa eta frantziarra.
Erasotzaileak bederatzi labankada eman dizkio Jean-Baptiste Salvint 42 urteko poliziari haren etxeko atarian (bertan hil da), eta, ondoren, haren bikotekidea eta semea bahitu ditu eta etxebizitzan babestu da.
Magnanville 6.000 bat biztanleko herri bat da, eta Yvelines departamenduan dago, Ile-de-France eskualdean.
Frantziako Poliziaren RAID eta BRI talde berezietako kideak etxebizitza barrura sartu dira azkenean, eta agenteek poliziaren hiltzailea hil aurretik, erasotzaileak lehen biktimaren emaztea hil du. Biktima Barne Ministerioko funtzionarioa zen. Bikotearen 3 urteko semea, aldiz, bizirik aurkitu dute, Bernard Cazeneuve Barne ministroak baieztatu duenez.
Hiru atxiloketa
Poliziak 27, 29 eta 44 urteko hiru pertsona atxilotu ditu gaur, Abballarekin lotura dutelakoan, baina Fiskaltzak ez du datu gehiagorik eman.
Biktimen etxean, Segurtasun Indarrek erasotzailearen helburu zerrenda bat atzeman dute. Horretan, pertsona ospetsuak, kazetariak, poliziak eta rap abeslariak daude.
Larossi Abballa 2011ko maiatzean atxilotu zuten, jihadistak Pakistanera eramateko sare bateko kide zelako, eta behin-behineko espetxealdian izan zen 2013an hiru urteko espetxe zigorra irmoa ezarri zioten arte. Urte horretako irailean atera zen espetxetik.
Beste ustezko jihadista batek Orlandon (AEB) 49 pertsona hil eta bi egunetara gertatu da eraso berria.
Albiste gehiago mundua
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.