Adel Kermiche, Normandiako terroristetako bat
Saint-Etienne-du-Rouvrayko elizaren (Normandia) aurkako erasoa aurrera eraman duen terroristetako bat Adel Kermiche da, Francois Molins fiskalburuak jakitera eman duenez. Estatu Islamikoko bi erasotzailek Jacques Hamel abadea hil zuten atzo.
Molinsek azaldu duenez, Kermichek 19 urte zituen eta Seine-Maritime (Frantzia) eskualdekoa zen. Segurtasun indarrek ezaguna zuten; izan ere, azken urteetan bi aldiz saiatu zen Siriara heltzen.
2015eko martxoaren 23an Kermicheren desagerpena salatu zuen haren familiak. Gutxi geroago Alemaniako poliziek atxilotu zuten Siriara sartzeko saioan. Anaiaren nortasuna erabili zuen saiakeran. Frantziara itzuli zenean, Seine-Maritimetik alde egitea debekatu zioten eta astero epaitegian agerraldia egin behar zuen.
Hala ere, 2015eko maiatzaren 11n familiak gaztearen desagerpena salatu zuen berriro. Atxilotzeko nazioarteko agindua igorri zuten orduan. Bi egun geroago Turkian atxilotu zuten. Lehengusuaren nortasunarekin Sirian sartzen saiatu zen.
Espetxeratzea
Frantziako epaitegiek espetxera bidali zuten. Hala, martxoaren 18ra arte kartzelan egon da. Orduz geroztik etxean giltzapeturik egon da eta besoko elektronikoa eraman behar izan du.
“Bigarren terroristaren identifikazioarekin lanean ari dira”, erantsi du Molinsek. Ikerketako lehen xehetasunak jakinarazi ditu fiskalburuak agerraldi publikoan.
Bestalde, “adingabe bat atxilotu” dutela azaldu du Ministerio Publikoko buruzagiak. 17 urteko aljeriar bat da, “Adel Kermicheren agiriekin Siriara bidaia egin duen susmagarri baten anaia”, azpimarratu du.
Lehergailu “faltsuak”
Bi terroristek “arma zuriak” erabili zituzten, konkretuki, hiru labana. Elizako abadeari lepoa moztu zioten. Era berean, lehergailu “faltsuak” eraman zituzten. Sukaldeko erloju bat aluminiozko paperean bilduta zuten, bonba baten itxurak egiteko, Molinsek azaldu duenez.
Moja batek ihes egitea lortu eta abisua eman zuen. Segurtasun indarrek “negoziazio bat hasi” zuten. Terroristak elizatik atera ziren bahituak ezkutu gisa erabiliz, baina hil egin zituzten. "Allahu Akbar" (“Ala handia da”) garrasi egin zuten.
86 urteko eliztar bat ere sastakatu zuten erasotzaileek, baina arriskutik kanpo dagoela argitu du Molinsek.
tu du Molinsek.Albiste gehiago mundua
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.