Hiru lurrikarak Italiako erdigunea astindu dute ordubetean
Richter eskalan 5.3, 5.4, 5.3 eta 5eko indarra hartu duten lau lurrikarak Italiako erdigunea astindu dute gaur, asteazkena. Horietatik lehenengoa 10:29an izan da, eta 5.3ko indarra izan du. Halere, beste bi sismo, lehenengoa baino gogorragoak, 11:15ean (5.4) eta 11:26an (5.3) sentitu dira, baita RAI Italiako irrati eta telebista publikoaren estudioetan ere, une horretan zuzenean emititzen ari zirela. Azkena, 14:33an erregistratu du Italiako Geofisika eta Bolkanologia Institutuak, eta 5eko maila izan du.
Lehenengoak bederatzi kilometroko sakoneran izan du epizentroa eta Lazio (Erroma dagoen eskualdea) eta Abruzzo artean kokatu da, hain zuzen, abuztuan eta azaroan izan ziren bi sismo handienek gehien kolpatu zituzten lekuak.
Hainbat eskola hustarazi dituzte dagoeneko, esterako Rieti herrian, L'Aquilatik gertu, Erroman etab.
Momentura arte, ezin izan dituzte zehaztu gaurko sismoen ondorioak, izan ere, eraikin eta azpiegitura asko ahulduta zeuden aurreko (abuztuko eta azaroko) lurrikarengatik, eta azkenaldian izandako elur, izotz eta euri denboraleengatik. Gainera, eguraldiak are zailago egiten du kaltetutako herrietara heltzea.
RAIn elkarrizketatu dituzten zenbait lekukoren arabera, lehenengo lurrikara motza eta indartsua izan da. Azken egunetan ere, sismo txikiak izan dira, baina ez gaur izan direnen neurrikoak.
Gainera, eraikin batzuk behera erori dira, sismologia handiko guneetan izandako lurrikaren ondorioz.
Kalte materialak, momentuz
Massimilliano Giorgi Monterealeko (lehen sismoak izan duen epizentroa) alkateak adierazi duenez, "lurrikararen larrialdiaz gain, elurrarena ere badaukagu, metro eta erdiko elur-geruza daukagu, errepide asko blokeatuta daude, jendea izututa..."
"Momentura arte badakigu eraikin batzuk erori egin direla, baina kalte materialak izan dira, ez dago hildakorik. Ez dakigu kalte handiagorik ote dagoen, telefono bidez hitz egitea ere zaila delako. Alabaina, orain arte jakin izan dudanari erreparatuta, ez da kalte material handirik egon. Ikusteko dago, Armada bidean da orain", erantsi du.
Tren eta metro zerbitzuak etenda
Sismoek zenbait garraiobide publikoen zerbitzua etetea eragin dute. Hala, Erromako metroak, zein aipatutako eskualdeetan tren zerbitzua kudeatzen duen enpresak, zirkulazioa eten egin dutela iragarri dute, beharrezko azterketak egin bitartean.
Aurrekoetan ere eten egin zituzten tren zerbitzuak eta, aukeran, autobus kopurua handitu dute gabezia orekatzeko.
Erromako metroaren ateak, itxita. Argazkia: EFE
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.