26 atxilotu, bortxaketaz akusaturiko polizia baten aurkako protestetan
26 pertsona atxilotu dituzte asteartean, 22 urteko gazte bat bortxatzea eta horren hiru lagunei eraso egitea egotzi dioten poliziaren aurkako protestetan. Sexu erasoa zein beste erasoak aurreko astean gertatu ziren, Parisko ipar-mendebaldean, agenteak miaketa bat egiten ari zirela.
Astelehenetik astearterako gauean istilu berriak izan ziren Aulnay-sous-Bois komunan, Ile-de-Francen. Han izan ziren, hain zuzen, gertaerak aurreko ostegunean. Theo izenez identifikatu duten gazte batek Poliziako hainbat agenteren erasoa pairatu zuen, zabaldu du Le Parisien hedabideak.
Gazteak salatu duenez, bizkarrez atxilotuta zuten bitartean, agenteetako batek borra sartu zion ipurdian. "Eskuak bizkarrean ipintzeko eskatu zidaten eta, eskuak lotuta nituenean, jesartzeko esan zuten. Negar eragiteko gasa bota zidaten, baita jo ere, eta jesarri nintzenean min handia sentitu nuen ipurdian", azaldu du, BMFTV telebista kateak aipatutako adierazpenen arabera.
26 atxilotuoi jabego pribatuari kalte egitea leporatu diete. Prefekturak, gainera, 23 edukiontzi kiskalita zenbatu ditu, hamaika auto ere bai, eta lokal bat.
Theo erasoen biktimak ospitaleratuta jarraitzen du, larri zauriekin ipurdian.
Hollanden bisita
Françoise Hollande Frantziako presidenteak bisita egin dio ospitalean erasoa jasan duen gazteari, Eliseoak Twitterren duen kontu ofizialean argitaratu duenez.
"Theo duintasunez eta erantzukizunez erantzun du. Konfiantza izan behar da Justizian. Azkeneraino helduko da", esan du Hollandek aipatutako sare sozialean.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.