Merkelek ondo eutsi dio lehen frogari
Egoera apartekoa ez balitz, inor gutxik begiratuko lioke Sarreko hauteskundeei, Alemaniako lander txikienetariko bateko hauteskundeei; baina, hauteskunde orokorrak irailean izango direnez, dena begiratzen da lupaz.
Sarreko hautesleek gauza interesante dezente esan dituzte. Bat: Alderdi Sozialdemokratak, SPDak, ez atzera ez aurrera jarraitzen duela, nahiz eta Martin Schultz Europako Parlamentuko presidente ohia irailerako hautagai izendatu izanak harrera ona izan duen. Bi: CSUk, Merkelen kristau-demokratek, indartsu jarraitzen duela eta Sarren bost puntu ere egin dutela gora. Hiru: Die Linke izeneko ezkerra ez dela nabarmentzen, ordezkaritza ona izan ohi duen landerrean hiru puntu egin baititu behera. Eta lau, oso inportantea: Alemaniarako alternatiba ultraeskuindarra lehen aldiz sartu dela Sarreko parlamentuan, botoen % 6 baino lortu ez duen arren. Beraz, jada, Alemaniako 16 eskualde-parlamentuetatik hamaikatan badu jada ordezkaritza.
Sarren, azkenean, ez da ezer aldatuko: errepikatu egingo da CDU eta SPDren arteko koalizio handia. Eta Sarreko emaitza irailean Alemania osoan errepikatuko balitz, ez litzateke ezer aldatuko Berlinen.
Zure interesekoa izan daiteke
Emakume bati heriotza-zigorra ezartzeko bi dosi jarri eta ez da hil, Tennesseen
Errusiak arma nuklearrak erabiltzeko mehatxua egin du, NATOk bere lurraldeak isolatzen baditu
Frantziako ikasleen protestek 625 atxilotu eta dozenaka zauritu utzi dituzte asteazken honetan
Zer dakigu Tabuken larrialdiko lurreratzea egin duen hegazkinari buruz?
Euskal pilota Kubara itzuliko da Jai Alai pilotalekuaren zaharberritze proiektu bati esker
AEBk tropa guztiak atera ditu Iraketik
Eiffel dorreko nagusiak dimisioa eman du emakumezko langileak baztertzeagatik sortutako iskanbilaren ondorioz
SpaceXek lurraren orbitan jarri du lehen aldiz "Starship" ontzia
Perez Iglesiasek Elhuyar anaien ondarea goraipatu du Bergarako wolframioaren lehen egunean
