Morenok irabazi ditu hauteskundeak Ekuadorren, botoen % 51,12 lortuta
Lehen datu ofizialen arabera, Lenin Moreno Alianza PAIS alderdiko hautagaiak irabazi ditu Ekuadorreko presidentetzarako hauteskundeak, botoen % 51,12 lortuta.
Guillermo Lasso CREO mugimenduko hautagaiak, berriz, botoen % 48,88 lortu ditu, Hauteskunde Kontseilu Nazionalaren esanetan.
"Ekuadorrek parte hartzea eta demokrazia erakutsi dio munduari", adierazi du Juan Pablo Pozo Hauteskunde Kontseilu Nazionaleko presidenteak. "Emaitzak errespetatzea botoa askatasun osoarekin eta modu demokratikoan eman duten herritarrak errespetatzea da", gaineratu du.
Moreno zen faborito nagusia, otsailaren 19an egindako lehen itzulian ia irabazi egin zuelako.
Lenin Morenok "guztion presidentea" izango dela eta "historiako gobernurik garbiena" izango duela aldarrikatu du Twiterren, emaitza ofizialen berri zabaldu ondoren egindako lehen adierazpenetan. "Bihotza eskuan, bakean eta harmonian bozkatzera joan zareten guztioi eskertu nahi dizuet. Guztion presidentea izango naiz eta zuek lagunduko didazue", esan du.
Emaitzak inpugnatu egingo dituela iragarri du Lassok
Ekuadorreko hauteskundeetako emaitzak inpugnatu egingo dituela aurreratu du oposizioko alderdiko (CREO) hautagaiak.
Hautetsontzietan egindako galdeketa batean Lenini zortzi puntuko aldea atera ziola argudiatu du, emaitza ofizialek normala ez den zerbait gertatu dela erakusten dutela adierazi du.
Lassoren aburuz, "ez da posible otsailaren 19an emaitzak jakiteko lau egun behar zituztela esatea, eta orain, ordea, 20 minutuan, sistema itzali zela esan eta gero, botoen % 90 zenbatzea, hain denbora gutxian".
Morenoren garaipena "aberri handiarentzat albiste bikaina" dela esan du Correak
Rafael Correa Ekuadorreko presidentearen iritziz, "aberri handiarentzat albiste bikaina" da Lenin Morenok presidentziarako hauteskundeak irabazi izana.
Bestalde, Quito hiriburuan eta Esmeraldas, Ibarra eta Azogues hirietan izandako "indarkeria" salatu du.
Albiste gehiago mundua
:eitb-banner?$eitb-banner$&fmt=png-alpha&qlt=80)
Europar Batasunaren eta Israelen arteko merkataritza harremana, zenbakitan
EB da Israelen bazkide komertzial nagusia, AEBren aurretik. Iaz, Israelen eta EBren arteko truke ekonomikoa 42.600 milioi eurokoa izan zen.
Sua Paris erdialdeko jatetxe batean, doikuntzen aurkako protesten erdian
Suhiltzaileek Pariseko erdialdeko jatetxean piztutako sutea itzaltzea lortu dute. Milaka pertsona kalera atera dira gaur Frantzia osoan, 2026ko aurrekontuetan ia 44.000 milioi euroko doikuntza egiteko Gobernuaren planak salatzeko.
300 atxilotu inguru Frantzian, doikuntzen aurkako protesta egunean
Alderdiak eta sindikatuak alde batera utzita antolatu da 'Dena blokeatu dezagun' mugimendua eta helburua herrialdea geldiaraztea da. Polizia indarrek berrogeita hamar bat blokeo desegin dituzte, batez ere autobideetan eta garraio azpiegituretan, aurrekontu doikuntzen aurkako protesta egunaren hasieran.
Doikuntzen aurkako protesta eguna Frantzia osoan
"Dena blokeatu dezagun" leloa duen protesta sare sozialetan sortu zen hasiera batean, baina gero ezkerreko erakunde eta pertsonek bat egin dute, LFIren eta sindikatu batzuen babes nabarmenarekin. 2026ko aurrekontuetan ia 44.000 milioi euroko doikuntza egiteko Gobernuaren planak salatzeko deitu dituzte protestak.
Haurren obesitateak pisu txikikoa gainditu du lehen aldiz: hamar haurretatik batek gizentasuna pairatzen du munduan
Unicefek ohartarazi du elikagai ultraprozesatuen eraginaz eta haurrei zuzendutako publizitate oldakorraz, osasun, gizarte eta ekonomia ondorio larriak dituen epidemia globala bultzatzen ari dela.
Alex Txikon, Nepalgo protesten lekukoa: "Poliziak tiro egin die parlamentuko hormara igo direnei"
Alex Txikon alpinista bizkaitarra Katmandun zegoen protestak piztu zirenean. Nepalgo poliziak parlamentuan sartzen saiatzen ari zirenei tiro nola egin dien lekuko izan da Txikon. "Katmandu erabat itxita dago eta liskarrak daude", adierazi du.
Ursula von der Leyenek proposatu du Israelekin merkataritza gaietako akordioaren suspentsio partziala
Europako Batzordeko presidenteak, gainera, zigorrak planteatu ditu muturreko ministroentzat eta kolono bortitzentzat. Proposamenak, baina, 27en oniritzia beharko du aurrera egin dezan.
Armadak etxeratze agindua ezarri du Nepalen, dagoeneko 25 hildako eragin dituen protesta uholdea geldiarazteko
Istilu larriak bizi dira Nepalen, "Z belaunaldia" izenekoek hasitakoak. Astearte honetan K.P. Sharma Oli Nepalgo lehen ministroak dimisioa eman du, protestek bultzatuta. Katmanduko Aireportua itxita egongo da gutxienez 18:00ak arte, tokiko orduan (12:15 GMT).
Poloniak "erasotzat" jo du Errusiak bere aire-espazioa urratu izana, eta aho batez babestu dute
NATOko F-35 ehiza-hegazkinek, bereziki Herbehereetako Aireko Errege Indarrak, Poloniako aire-defentsa indartu dute goizaldean, Errusiako droneek aire-eremua urratu ostean, Ukrainaren aurkako eraso batean. Misil baten eta zazpi dronen arrastoak aurkitu dituzte Poloniako agintariek.
Albiste izango da: Gaza, krisi politikoa Frantzian eta suizidioaren prebentzioa
Orain-ek gaur landuko dituen albiste nagusien laburpena.