Hamasek 1967ko Estatu palestinarra sortzea onartzen du, Israel aitortu gabe
Jaled Meshal Erresistentzia Mugimendu Islamikoaren (Hamas) liderrak astelehenean iragarri duenez, bere taldeak Palestinako Estatua 1967an ezarritako mugekin sortzea onartzen du, baina Israelgo Estatua onartu barik, eta herri palestinarraren eskubide historikoei uko egin gabe.
"Sionismoaren aurkako jarrera zalantzan jarri gabe, Hamas Estatu palestinar burujabea eta independentea ezartzearen alde dago, Jerusalem hiriburua izanda, 1967ko ekainaren 4an ezarritako baldintzetan, eta errefuxiatuak eta desplazatuak euren etxera itzulita", dio Meshalek aurkeztutako testuak.
Estatu palestinarra soilik lurralde horretako alde batean onartzen badu ere, agirian ez dio uko egiten "Palestina osoa askatzeko" helburuari, eta ez du bi estatuk egin beharreko konponbidea denik aipatzen.
Gainera, alderdiak nabarmendu du gatazkaren jatorrian ez dagoela erlijioa, eta Hamasek "sionisten proiektuaren aurka" borrokatzen duela, ez juduen erlijioaren ezta juduen aurka. Ere berean, juduen eta "Palestinako lurrak okupatzen dituzten Israelgo hiritar sionisten" arteko ezberdintasuna azpimarratu egin du.
1988an Hamasen sorreran adostu zuten testuan, mugimenduak Britainia Handiaren mandatuak zehaztutako lurralde osoa eskatzen zuen, tartean, gaur egungo Israelgo Estatu osoa. Gainera, Egiptoko Anai Musulmanekin lotuta zegoela aipatu zuten, oraingo testuan ez bezala.
1967ko gerran, Israelek Gazako eta Zisjordaniako Zerrenda okupatu zuen, baita Jerusalem ere. Israelek Gazatik alde egin zuen 2005ean, baina kolono talde handia mantendu du Zisjordaniako lurraldean, eta horrek Palestinako beste alderdi nagusiak, Al Fatahk, sortu nahi duen Estatu palestinarra sortzea zailtzen du.
Netanyahu: 'Hamasek mundua engainatu nahi du'
Israelek testua ezagutu eta gero ohartarazi duenez, "Hamasen asmoa mundua engainatzea da, baina ez du lortuko", esan du David Keyes, Benjamin Netanyahu Israelgo lehen ministroaren bozeramaleak.
"Tunel terroristak eraiki dituzte eta milaka eta milaka misil jaurti dituzte Israelgo zibilen aurka", gaineratu du. "Hori da benetako Hamas", Netanyahuren bozeramalearen esanetan.
Zure interesekoa izan daiteke
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.