AEBko Behe Ganberak oniritzia eman dio Trumpen osasun lege berriari
AEBko Ordezkarien Ganberako gehiengo errepublikanoak Donald Trump presidentearen osasun lege berria onartu du, hainbat astetako barne negoziazioen eta bi aldiz porrot egin ostean. Barack Obamaren agintaldian onartutako legea bertan behera geratzea eta ordezkatzea da lege berriaren helburua.
Testuak aldeko 217 eta kontrako 212 boto jaso ditu. Hala ere, lege berria indarrean jartzeko Senatuak ere onartu behar du, eta hor zailagoa izango da.
Goi Ganberan errepublikanoek duten gehiengoa estuagoa da, eta senatari kontserbadoreak legearen aurka daude, beraz, "Obamacare" legea bertan behera uzteko asmoak oraindik ez du arrakastarik lortu.
Lege proiektuak, AHCA laburdurarekin ezagutzen denak, Obamacare delakoaren oinarrizko arauak baliogabetzen ditu, tartean osasun arreta jasotzeko diru-laguntzak, Medicaiden zabalkundea (baliabide urriko pertsonentzako) eta mediku aseguruak hedatzeko betebeharra.
Horien ordez, lege proiektu berriak aseguruak erosteko zerga kredituak aurreikusten ditu, baina diru-sarrera txikiak dituzten pertsonentzako laguntza murriztuko litzateke.
Kongresuko Aurrekontu Bulegoaren datuen arabera, 24 milioi estatubatuar asegururik gabe geratuko dira hurrengo hamarkadan gaur onartutako legearen aurretik zegoen proiektuarekin, eta gaurkoa are zorrotzagoa da.
Izan ere, Askatasunaren Caucusa ultrakontserbadoreek uko egin zioten lehenengo bertsioa onartzeari, eta horrek eragin zuen proiektuaren lehenengo porrota, bitan atzeratu behar izan baitzuten bozketa, Obamaren legea nahikoa aldatzen ez zuela iritzita.
Ultrakontserbadoreen presioaren eraginez, lege proiektu berriak ez ditu aseguru-etxeak gaixorik dauden pertsonei asegurua ematera behartuko, Obamacarek agintzen zuenaren kontra. Oso gai polemikoa izan da hori, eta ultrakontserbadoreen iritzia nagusitu da azkenean.
Litekeena da Behe Ganberatik igaro den lege proiektuari aldaketa nabarmenak egitea Senatuan, zuzenketak egin ostean.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.