Zisjordanian legez kanpoko 1.100 etxe berri egitea onartu du Israelek
Zisjordanian okupatutako eremuan 1.100 etxe berri egitea onartu zuen atzo, asteartea, Israeleko Administrazio Zibilaren Plangintzarako Kontseilu Nagusiak (lurraldeak antolatzen dituen erakundeak), Yediot Aharonot egunkariaren arabera.
Arieleko kolono-gunean 800, Kerem Reimen beste 200 eta Amijai asentamendua berrian 100 egitea onartu zuen erakunde horrek. Azken hori Amonako kolono gunetik irtenarazi zituzten 41 familia hartzeko egin dute.
Shalom Ajshav (Bakea Orain) GKEa asentamendu juduen zabalkundea dokumentuetan jasotzen duen erakundea da eta, atzo esan zuenez, Kereim Reim guneari buruz, legeztatu eta handitu egin dute, 2012an baimenik gabe sortu ostean. Amijai, aldiz, Gobernuak modu ofizialean eta baimenekin eraiki zuen (1992an) lehen kolono-gunea da.
Gainera, datozen orduotan Kontseiluak beste 900 etxebizitza berri onartzea espero da, Yediotek argitaratu duenez.
Zisjordaniako eta Jerusalem Ekialdeko kolono-guneak nazioarteko zuzenbidearen aurkakoak dira, eta nazioarteak gogor gaitzetsi du luzaroan. Israelek eremu palestinarrean eraikitako 4.000 etxebizitza atzeraeraginezko ondorioarekin legeztatzeko legea onartu du aurten.
Palestina: 'Onartezina'
Bestalde, Palestinar Aginte Nazionaleko Presidentetzaren esanetan, Benjamin Netanyahu presidenteak egindako adierazpenak AEBko Gobernuari eta nazioarte guztiari zuzendutako "mezua" dira.
"Adierazpenak onartezinak dira. Gauzak zaildu eta segurtasuna eta lurraldean zein munduan egonkortasuna ahalbidetuko duen konponbide baketsua lortzeko ahaleginetan laguntzen ez duen giroa sortzen du", esan du.
Netanyahuk Sei Eguneko Gerraren 50. urteurrenean egin zituen adierazpenok. Gerra horretan Israelek Zisjordania, Ekialdeko Jerusalen eta Golango Gainak okupatu zituen, eta kontrolpean ditu gaur egun.
"Edozein (bake) akordiorekin, eta hori barik ere, Israelek segurtasunaren kontrola mantendu beharko du Jordan ibaiaren mendebaldeko eremu osoan".
Albiste gehiago mundua
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.
Askatasunaren Flotillak Netanyahu salatu du Auzitegi Nazionalean, itsasontzi humanitarioa abordatzeagatik
Sergio Toribio aktibistak jarri du kereila, eta azaldu duenez, nazioarteko uretan bahitu eta Tel Avivera eraman zituzten, legearen kontra.
Sutea izan da Greziako Kreta uhartean, eta 5.000 pertsona baino gehiago etxetik irtenarazi dituzte
Nektarios Papadakis Ierapetra udalerriko alkateordearen arabera, sugarrek inguruko hainbat etxe kiskali dituzte. "Kalte handiak izan ditugu", azpimarratu du Papadakisek. Gaineratu du suak basoak eta olibondo-sailak ere erre dituela. Orain arte, kostaldeko bost herri hustu behar izan dituzte.
Erasoen amaiera, soldadu israeldarrak Gazatik ateratzea eta laguntza banaketa bermatzea nahi du Hamasek, su-eten akordioa babesteko
Palestinako erresistentzia erakundeak adierazi duenez, "erantzukizun handiarekin" ari da lanean Israelgo Armada Zerrendaren aurka egiten ari den "erasoa bukatzea" lortzeko.
Tibeteko budismoa Dalai Lamaren ondorengoa izendatzeko prestatzen ari da, Txinaren oposizioarekin
Dalai-lamaren oinordea aurkitzea erritual konplexu bat da. Liderraren heriotzaren ondoren, lama garaiek haren berreragiztatzea bilatzen dute bere heriotzaren datatik gertu jaiotako haurren artean. Txinako agintariek "urrezko hautestontziaren zozketaren prozedura" errespetatzea eskatzen dute.