Trumpek, Israeli: 'Kokalekuek ez dute bakea lortzen laguntzen'
Donald Trumpek gidatzen duen Estatu Batuetako Gobernuak adierazi du okupatutako lurraldean kokaleku berriak egiteak ez duela Israelen eta Palestinaren arteko bakea lortzen laguntzen, baina aldi berean nabarmendu duenez, Donald Trumpen Administrazioak ez du oraindik kolonia horien inguruan iritzi ofizialik adierazi.
"Kokalekuak egotea bakea lortzeko oztopo ez direla uste badugu ere, kokaleku berriak eraikitzea, edo gaur egungoak mugetatik harago hedatzea, baliteke lagungarri ez izatea helburu hori lortzeko", azaldu du Etxe Zuriak ohar baten bidez.
Horrela mintzatu da Etxe Zuria, aurreko asteartean Israelek Zisjordaniako okupatutako eremuetan 3.000 etxebizitza berri egingo dituela iragarri ostean, beste 2.500 egingo zituela igarri eta astebetera.
Gainera, AEBko Gobernu berriak Israelen aurka egindako lehen adierazpenak dira, harrotasunez adierazi badu ere Israelengandik Barack Obama baino askoz gertuago dagoela.
Hala, Etxe Zuriak esan du Benjamin Netanyahu Israelgo lehen ministroarekin zuzenean aztertu nahi duela kokalekuen arazoa, otsailaren 15ean, Washingtonera bisita egingo duenean.
Trump, Wasgingtonen egindako agerraldian. Argazkia: EFE
Trump Etxe Zurira heldu zenetik, orain dela bi aste inguru, Zisjordanian 5.500 eta Jerusalengo palestinar gunean beste 566 etxebizitza berri egingo dituela iragarri du Israelek.
NBEren Segurtasun Kontseiluak abenduan onartu zuen ebazpenean (AEBko abstentzioarekin), Israeli horren moduko ekintzak egiteari uztea eskatu zion, baina Trumpek, Presidentetzan zegoela, keinu diplomatiko hori kritikatu egin zuen.
Palestinak, bere aldetik, "erantzukizuna bere gain hartzeko" eta emandako ebazpena betearaztea eskatu dio NBEri.
DOKUMENTAZIOA
Zisjordaniako kolonietan 2.500 etxe eraikitzea onartu du Netanyahuk
Israelek etxe gehiago egingo ditu Zisjordaniako juduen asentamenduetan
"Gogorrak izan behar gara"
Bestalde, Donald Trumpek onartu du "zorrotza" izaten ari dela eta berdin jarraituko duela gainerako herrialdeetako presidenteekin izango dituen elkarrizketetan, bere ustez, beste herrialdeek berea "erabili" baitute, eta "hori ez da gehiagotan errepikatuko".
"Telefono dei gogorren inguruen berri izaten duzuenean, ez zaitezte kezkatu", adierazi du Trumpek Otoi Gosari Nazionalean (politika eta erlijioa nahasten dituen ekitaldia da, eta Washingtonen gin ohi da hilabete guztietako lehen ostegunean).
"Gogorrak dira, zorrotzak izan behar gara. Bada garaia zorrotzak izateko", presidente estatubatuarrak azpimarratu duenez, orain arte, "munduko ia nazio guztiek" AEB erabili dute eta gehiagotan ez dela gertatuko promestu du.
Trumpek ez du zehaztu zein deiez ari zen, baina azken orduetan Enrique Peña Nieto Mexikoko eta Malcoml Turnbull Australiako presidente eta lehen ministroarekin -hurrenez gurren- izan dituen elkarrizketak zabaldu dira hedabideetan.
Zure interesekoa izan daiteke
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.
Mila lagun baino gehiago hil dira Nepalen uholdeen ondorioz, eta 3.900 pertsona desagertu dira
21.000 agente baino gehiago ari dira bilaketa eta erreskate lanetan, eta 11.814 pertsona erreskatatzea lortu dute, 253 atzerritar barne.
Sheinek estreinako makala egin du Hong Kongeko burtsan, eta % 4ko galerekin dabil
Txinako ehungintza erraldoiak zulo handiekin hasi du burtsako ibilbidea, eta % 10eko galerak ere izan ditu uneren batean. Bien bitartean, gaur, asteartea, abiatuko du Frantziak negozio eredu horren aurkako eraso fiskala, produktu bakoitzaren gaineko 12 eurorainoko kargak martxan jarriz.