Erraz nagusitu da Macron hauteskunde legegileen lehen itzulian
Errepublika Martxan-Mugimendu Demokratikoa Emmanuel Macronen aldeko koalizioa izan da garaile Frantziako hauteskunde legegileen lehen itzulian, botoen % 32,32 jasota, Barne Ministerioak argitaratutako datuen arabera.
Hala, bozen zenbaketa bukatuta, Errepublikanoak eta horien aliatuek botoen % 21,56 jaso dituzte; ondoren, Fronte Nazionala (% 13,2) ageri da zerrendan, Frantzia Intsumisoa (% 11,02) eta Alderdi Sozialista (% 7,44). Are urrunago geratu dira Europa Ekologia-Berdeak (% 4,3) eta Alderdi Komunista (% 2,72), eta beste beste.
Parte-hartze txikia izan da bozketaren protagonistetako bat: % 48,71ekoa izan da, Barne Ministerioaren esanetan. Izan ere, inoizko parte-hartzerik txikiena izan da. Aurrekoetan (2012), hautesleen % 52,7k bozkatu zuen.
"Frantzia itzuli da", esan du Edouard Philippe lehen ministro frantziarrak, telebista publikoan. "Hurrengo igandean, Frantziako Asanblea gure Errepublikaren aurpegiaren pertsonifikazioa izango da".
Gainera, Philippek nabarmendu du frantziarrek Macronen alde egin dutela boto kutxetan, "hirugarrenez". Era berean, gaineratu duenez, presidenteak barne politikan eta kanpoko politikan egindako lehen neurriak babestu dituzte hiritarrek oraingo honetan.
Oposizioaren alderdi politikoek, aldiz abisua zabaldu dute: Macronen aldeko alderdiek lortuko luketen gehiengo zabalak ez luke eztabaida demokratikorako tarterik utziko.
"Ez da osasungarria, ezta desiragarria ere, presidentetza-hauteskundeetan soilik botoen % 24 jaso duen eta muturreko eskuinari aurre egiteko bigarren itzulian aukeratu zuten presidente batek ordezkaritza nazionalaren monopolioa izatea", esan du Jean-Christophe Cambadelis Alderdi Sozialistako lehen idazkariak.
Errepublikanoen aldetik (bigarren indarra oraingo hauteskundeetan), François Baroinek egin du agerraldia. Bere esanetan, botere politikoek ez luke alderdi bakar batean egon behar. Marine Le Penek, era berean, adierazi du emaitzak "kezkagarriak" direla, gehien bat parte-hartze txikiagatik.
Kolpe handia Alderdi Sozialistarentzat
Hauteskunde legegileak kolpe berri bat izan dira Alderdi Sozialistarentzat, Cambadelis eta Benoit Hamon hauteskunde prozesutik kanpo geratu ostean.
Emaitza ofizialen arabera, Cambadelis laugarren hautagaia izan da Parisko 16 barrutian, jasotako botoei dagokienez, % 10 jasota, Mounir Mahjoubi Estatu idazkariaren (Errepublika Martxan, % 37) eta Sarah Legrainen (Frantzia Intsumisoa, % 20) atzetik. Horiek biak bigarren itzulian lehiatuko dira eserlekua lortzeko.
"Ezkerrak inoiz izan duen atzerakadarik handiena izan da hauteskunde legegileen lehen itzuliaren berezitasuna, inkesten arabera", Cambadelis adierazi duenez, hauteslekuetan egindako inkesten emaitzak ezagutu eta gero.
Hamonek, bestalde, aukera guztiak galdu ditu Yvelines departamentuko 11. barrutian kanpoan geratuta. "Arratsalde honetan, hautesleek konfiantza gehiagorik ez ematea erabaki dute. Ohorea izan da bost urtez haien ordezkaria izatea", esan du Twitterren.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.