Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
Irango eta AEBko ordezkariak, Burgenstocken (Suitza). Argazkia: EFE
Donald Trump Ameriketako Estatu Batuetako (AEB) presidenteak ohartarazpen zuzena egin dio Irani: Iranek Libanon "arazoak" sortzeari uzten ez badio, AEBko Armadak erasoei berrekingo die berehala.
Truth Social sare sozialean zabaldutako mezu batean egin ditu adierazpenak Trumpek, Irango eta AEBko negoziazio taldeak Burgenstocken (Suitza) bilduta zeuden bitartean, Ekialde Hurbileko gerrari amaiera emateko ahaleginean.
AEBko presidentearen hitzetan, bera izan daiteke Ormuzko itsasarteko "aingeru guardakoa" eta bere esku gera daiteke handik igarotzen den "petrolio guztiaren % 20". "Beharko balitz, itsasartearen kontrola har genezake. Nahiko banu, herrialde osoa suntsi nezake. Eta akordio batera iristen ez badira, guk jarriko ditugu bidesariak", azaldu du.
Suitzako bainuetxe batean bildu dira negoziatzaileak, joan den astean AEBk eta Iranek adostutako bakerako memoranduma sakontzen jarraitzeko.
Bien bitartean, Libanon erasoek ez dute etenik, eta horrek erabat baldintzatzen ditu elkarrizketak.
"Aurrerapauso handiak", Vanceren arabera
Besteak beste, JD Vance AEBko presidenteordea eta Shehbaz Sharif Pakistango lehen ministroa eta Mohamed bin Abdulrahman Qatarkoa daude Suitzan.
Goizean elkarrekin egin duten agerraldian, "aurrerapauso handiak" eman dituztela irabarri du Vancek. "Azken orduotan aurrerapauso handiak eman ditugu, eta bide horretan jarraitzea espero dut", erantsi du.
AEBko presidenteordearen arabera, "negoziazio teknikoa" abiatu da Suitzan, eta aitortu du ezingo dituztela desadostasun nagusiak "bideratu". "Hala ere, historian lehen aldiz, elkarren ondoan esertzea ahalbidetuko digu, alde bakoitzaren interes nagusiak ezagutzeko", adierazi du.
Zure interesekoa izan daiteke
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.