Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Keir Starmer. Argazkia: Reuters
Keir Starmer Erresuma Batuko lehen ministroak dimisioa eman du, Alderdi Laboristaren barne krisia dela eta.
Starmerrek onartu du bere alderdiak jada ez duela uste datozen hauteskundeetan Gobernua gidatzeko pertsona egokia denik.
"Nire alderdiak orain planteatzen duen galdera da ea pertsonarik egokiena naizen hurrengo hauteskunde orokorretan lider izateko. Legebiltzarreko nire taldeak galdera horri emandako erantzuna entzun dut eta gogo onez onartzen dut ", adierazi du Gobernuaren egoitzaren atarian, Downing Streeten.
Bere esanetan, hartu dituen erabaki guztiek Erresuma Batuaren interesa "lehenestea" izan dute helburu. "Horregatik dimitituko dut Alderdi Laboristako buruzagi gisa", adierazi du.
"Gaur goizean Erregearekin hitz egin dut nire erabakiaren berri emateko", adierazi du.
Bere ondorengoa aukeratzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko.
Agintariak adierazi duenez, bere asmoa trantsizio ordenatu bat erraztea eta erreleboa modu egonkorrean gertatzea da, laborismo britainiarrean barne eztabaida gogorra dagoen une batean.
Erabakia alderdiko buruzagitzak okerrera egin ostean hartu du, batez ere maiatzaren 6an Ingalaterrako tokiko hauteskundeetan eta Eskozia eta Galesko eskualdeetako hauteskundeetan izandako porrotaren ondoren.
Informazio horien arabera, barne-presioa areagotu egin da azken egunotan, diputatu laboristen eta buruzagi sindikalen zati handi batek zalantzan jarri baitu Gobernuaren buru izaten jarraitzea.
Maiatzeko hauteskundeetan, Reform UK eskuineko alderdi populista izan zen indar bozkatuena, eta herrialdeko boto-asmoari buruzko inkesten buru da.
Starmerren erreleboa
Manchesterko alkate Andy Burnham da Starmerren lekua hartzeko izen nagusietako bat. Berriki sartu da Parlamentuan, Makerfieldeko hauteskunde partzialetan; hori da laboristen buruzagi izateko lehiatzeko funtsezko urratsa.
Erreleboa berretsiz gero, Erresuma Batuak zazpigarren lehen ministroa izango du Brexitaren erreferendumetik, azken hamarkadako ezegonkortasun politikoaren isla.
Zure interesekoa izan daiteke
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.