AEBk ezarritako zigor ekonomikoak gaitzetsi ditu Madurok
Donald Trump AEBko presidenteak Venezuelaren finantza-sistemaren kontra onartu berri dituen zigor ekonomikoak gaitzetsi ditu larunbat honetan Nicolas Maduro Venezuelako presidenteak. Gainera, zigor horrek Venezuelako PDVSA petrolio-enpresan ere eragina duela kritikatu du Madurok.
“Donald Trump presidenteak Venezuelako herritarren kontra hartu nahi izan dituen legez kanpoko neurriak nazioarteko araudiaren kontrakoak dira (Nazio Batuen gutuna), eta, finean, Venezuelari eraso egiteko bide inperiala hartu duela suposatzen dute”, esan du buruzagiak.
Etxe Zuariak ohar baten bidez jakinarazi duenez, “sortutako zor berriaz gain, Venezuelako Gobernuak eta haren petrolio-enpresa estatalak igorritako kapitalak negoziatzeko debekua” ezarri du.
Maduroren esanetan, dekretu horren bidez “ekonomikoki eta finantzialki Venezuela jarraitu eta blokeatu” nahi du AEBk. Ildo horretatik, Trumpen helburua herrialdea “itotzea” dela esan du Venezuelako presidenteak.
“Venezuelako susperraldi ekonomikoaren alde herritar guztiek haien eguneroko lanarekin egiten duten ahaleginaren kontrako kolpe ekonomiko eta finantziala eman du Trumpek (…) lanean jarraitzea da berari eman ahal diogun erantzun bakarra”, esan du Nicolas Madurok.
Venezuelako presidentearen esanetan, nazioarteko herrialdeek ezin dituzte gisa horretako zigor ekonomikoak onartu. “Herri libre, zintzo, duin eta independente bat izateko helburuarekin Venezuelak egiten duen ahaleginagatik” ezarri du zigorra AEBk, Maduroren ustez. Arrazoi horregatik, gainontzeko herrialdeen eta gobernuen elkartasuna eskatu du, bereziki Latinoamerika eta Kariberi.
Albiste gehiago mundua
Hamasek erantzun "positiboa" eman dio AEBen Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.