Venezuelako oposizioak ez ditu hauteskundeetako emaitzak onartu
Batasun Demokratikoaren Mahaia osatzen duten oposizioaren alderdien koalizioak ez ditu onartu Hauteskunde Batzorde Nazionalak emandako hauteskundeetako emaitzak, eta elkarretaratzeak deitu ditu.
Emaita ofizialen arabera, chavismoa nagusitu da eskualdeetako hauteskundeetan, eta "garaipen handia" lortu du, Venezuelako 23 estatuetako 17tan nagusitu baita, baina oposizioak emaitza "oso ezberdinak" espero zituela aditzera eman du.
Izan ere, oposizioaren ustetan, Hauteskunde Batzorde Nazionalak jokabide "susmagarria" izan du, eta ez da aurreko hauteskundeetan bezala jardun.
"Ez ditugu Tibisay Lucena Hauteskunde Batzorde Nazionaleko presidenteak emandako datuak onartzen", esan du Gerardo Blyde eskualdeetako hauteskundeetarako oposizioaren koalizio buruak.
"Venezuelak eta nazioarteak ez dute kontatutako ipuina sinesten. Eskualdeko taldeei prozesua egiaztatzeko, eta dena ikuskatzeko, eskatu diegu; baita, oposizioa irabazle atera den eskualdeetan ere", esan du.
Azkenik, Blydek elkarretaratzeak deitzeko eskatu die oposizioko hautagaiei egoera salatzeko.
Oposizioak oztopoak salatu ditu
Luis Emilio Rondon ofizialismoarekin bat egin ez duen bost errektoreetako bakarrak esan duenez, atzerapenak izan dira goizean mahaiak jarri eta mahai horietaz arduratu behar zuten mahaikideak iristeko garaian, eta "bozkatzeko makinetan arazo teknologikoak" izan direla gaineratu du.
Hauteskunde Batzorde Nazionaleko presidentearen esanetan, hauteskundeak "normaltasunez eta lasaitasunez" egin dira, eta mahaien % 99,92 normaltasunez aritu dira.
Venezuelako oposizioak salatu egin ditu hauteskunde aurreko prozesuan eta hauteskundeetan Hauteskunde Batzorde Nazionalak jarritako oztopoak, eta, besteak beste, azken orduan hauteslekuetan aldaketak egin dituela eta boto-txarteletan hautagaien ordezkoak sartu ez izana aipatu ditu adibide moduan.
Horregatik, hauteslekuetan geratzeko eta mahaietako lekukoei egiaztatze prozesuan laguntzeko eskatu zieten herritarrei, botoak babesteko.
Albiste gehiago mundua
Israelgo Armadak Gaza Hiri osoa husteko agindua eman du
Hirian dauden ia milioi bat laguni Gaza utzi eta Al Mawasi (hegoaldea) aldera "berehala" joateko esan diete.
Albiste izango da: Sumud flotillaren aurkako erasoa, Pradales-EH Bildu bilera eta Frantziako Gobernua
Orain-ek gaur landuko dituen albiste nagusien laburpena.
Sumud flotillako ontzi batek salatu du Tunisiako portuan drone bidezko erasoa izan duela
"Global Sumud Flotillak baieztatu du bere ontzi nagusietako baten kontrako erasoa egin dutela, 'Familiaren Itsasontzia' izenekoaren kontra, alegia, Zuzendaritza Batzordeko kideak zeramatzana, eta, susmoa da drone bat izan dela", adierazi dute X sareko elkartearen kontuan.
Bayrou Frantziako lehen ministroak konfiantza-galdean porrot egin eta dimisioa eman beharko du
Guztira, 364 diputatuk egin dute konfiantzaren aurka, eta 194k babesa eman diote. Ondorioz, Bayrouk dimisioa aurkeztu behar dio Emmanuel Macron presidenteari.
Europa, Israelen aurkako kritikoen eta Gazako politikarekin permisibo direnen artean banatuta
Hainbat herrialdek argi eta garbi kritikatu dute Gazako genozidioa, eta estatu palestinarra sortzearen alde agertu dira. Beste batzuek Israelgo Gobernuaren politika defendatzen dute eta aliantzen alde egiten dute.
Israelek beste etxebizitza dorre bat bonbardatu du Gaza Hirian
Israelgo Armadak beste bonbardaketa bat egin du Gaza Hiriko etxebizitza dorre baten aurka, ostiralean eraikin mota horien aurkako eraso kanpaina hasi ostean, Hamas Erresistentzia Islamikoaren Mugimenduak "helburu terroristekin" erabiltzen dituela argudiatuta.
Mileik kolpe gogorra jaso du hauteskundeetan, eta Axel Kicillofek gidatutako peronismoa suspertu egin da
"Honek agerian uzten du Argentinan badagoela beste bide bat, eta gaur hasiko gara bidea egiten", azpimarratu du hautagai peronistak.
Sei pertsona hil dituzte autobus baten aurkako erasoan, Jerusalemen
Israelgo Poliziak adierazi duenez, "neutralizatu" egin dituzte inplikatutako bi "terroristak", erasoaren ostean. Hamasek eta Jihad Islamikoak txalotu egin dute "erresistentziako bi borrokalarik" egindako erasoa.
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.