235 hildako eta 130 zauritu Egipton, azken urteetako erasorik odoltsuenean
Gutxienez 235 pertsona hil eta beste 130 zauritu dira Egipton, meskita sufi baten kontrako atentatuan. Erasoa Sinai penintsulan gertatu da, Gazako mugatik gertu, eta erasotzaileek bonbak eta suzko armak erabili dituzte ostiraleko errezorako bildu diren fededunek aurka. Azken urteotan Egipton izandako atentaturik odoltsuena da.
Al Rawdah meskita Bir al Abd udalerrian dago, probintziako El Arish hiriburutik 40 kilometrora. Lekukoek emandako testigantzaren arabera, orotariko lau ibilgailutatik hainbat gizon armatu jaitsi dira, eta, indar handiko bonba bat leherrarazi ondoren, tiroka hasi dira.
Bertako hedabideek zabaldutako informazioaren arabera, eskualdeko milizien eta talde armatuen arteko erasoen ohiko gune bilakatu da.
Egiptoko Osasun Ministerioko iturriek Asharq Al Awsat egunkariari baieztatu diotenez, zaurituak ospitalera eramateko bertaratutako anbulantzien kontra ere egin dute erasotzaileek. Horren ondorioz, herritarrek beren ibilgailuetan eraman behar izan dituzte zaurituak ospitaleetara.
25 ume eta familia bereko sei kide
Kaputxadun 15 gizon sartu dira meskitan. Sinaiko Tribuen Batasuneko Facebook orriaren arabera, hildakoen artean gutxienez 25 haur daude, eta baita familia bereko sei kide eta hiru anai-arreba ere.
Elkarte horrek azaldu duenez, terroristek “une hauxe aukeratu dute Mahoma profetaren urtebetetzea prestatzen ari direlako, azaroaren 30ean izango baita, eta tokia ideologia estremistaren aurkako heziketa zentroa delako hautatu dute”.
Agiri batean salatu duenez, terroristek “meskitaren ateak itxi dituzte eta otoitz egiten ari ziren guztiak hil dituzte”. Gainera, anbulantziak heldu direnean, “terrorista talde batek tiro egin du eta ihes egin dute”.
Anbulantziak meskitara heltzen. Argazkia: EFE
Hiru dolu-egun
Egiptoko agintariek hiru dolu-egun ezarri dituzte meskitako biktimengatik. Munduko dozenaka buruzagik erasoa gaitzetsi dute, besteak beste, Donald Trump AEBko presidenteak “koldartzat” jo du.
Erasoa gertatu eta ordu batzuk geroago, Armadak eta Poliziak “gure seme-alabengatik mendekua hartuko dute egonkortasuna berreskuratzeko, eta ekintza honi indar basatiarekin erantzungo diogu”, adierazi du Abdelfatah Al Sisi Egiptoko presidenteak Estatuko telebistan.
Egiptoko telebista ofizialak jakitera eman duenez, hildakoen senitartekoei 11.300 bat dolar eta zaurituen familiei 2.826 bat dolar ordaintzeko agindua eman du Al Sisik.
Larrialdi-egoera
Sinai Iparraldeko probintzian 2014tik larrialdi-egoera indarrean dago. Wilayat Sina Estatu Islamikoaren Egiptoko adarrak bertan presentzia du eta azken urteetako atentatu gehienak aldarrikatu ditu.
Sinaiko eskualde horretan etxeratzeko agindua eta blokeo informatiboa inposatu zituzten agintariek. Horrela, bertako eta nazioarteko komunikabideak ezin dira sartu.
Zure interesekoa izan daiteke
Kalte-ordainak eta "berme irmoak" eskatu ditu Iranek AEBekin eta Israelekin duen gatazka amaitzeko
Masud Pezeshkian presidenteak Teheranek eskualdeko bakearekin duen "konpromisoa" berretsi du eta "autodefentsareako eskubidea" aldarrikatu du.
Espainiak defentsan "ez duela laguntzen" berretsi du Trumpek, eta merkataritza etetearekin mehatxatu du
Donald Trump AEBko presidenteak asteazken honetan berretsi duenez, Espainiako Gobernuak "ez du laguntzen" defentsaren alorrean, eta aldebiko merkataritza eteteko mehatxua egin du berriro.
Ormuzeko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko modu bakar gisa.
Gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzko itsasartean eta, kendu ezean, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.