Alerta gorria Balin Agung sumendiaren erupzioaren ondoren
Indonesiako agintariek alerta gorria ezarri dute igandean, Agung sumendiaren erupzioak (Bali) errauts zutabe handia eragin ostean. Gainera, Lombokeko Nazioarteko Aireportua ere itxi egin behar izan dute.
Sumendi eta Geologia Arriskua Arintzeko Zentroak (Energia eta Baliabide Naturaletako Ministerioak kudeatzen du) esan duenez, errauts zutabeak 6.140 metroko altuera hartu du, Antara Indonesiako albiste agentziaren arabera.
Zentroaren esanetan, "leherketak 12 km-ko distantziara entzun daitezke" eta "su-garrak gauez ikus daitezke"; "horrek esan nahi du erupzioa edozein momentutan hel litekeela".
"Hondamendia izateko arriskuaren aurrean, Zentroak Agung mendiko alerta egoera igo du", esan du. Hala, 10 km-ko itzulinguruan bizi diren herritarrak gunetik irtetea eskatu die, Reuters albiste agentziak zabaldu duenez.
Indonesiako agintariek kalkulatu dutenez, 90.000-100.000 pertsona ihes egin beharko dute, sumendiaren azken erupzioaren ostean.
Dagoeneko uhartean zehar dauden harrera zentroetan 40.000 pertsona inguru daude, eta egunean zehar kopuruak gora egitea espero da, Sutopo Purwo Nugroho Hondamendiak Kudeatzeko Agentzia Nazionalaren zuzendariak esan duenez.
"Erupzioak eta dardarak etengabekoak izan dira. Gainera, labak kraterra betetzen jarraitzen du eta gainezka egiten duenean magaletik behera jaitsiko da. Erupzio handiago bat egoteko arriskua dago", esan du Nugrohok prentsaurreko batean.
Sumendiak bota ditzakeen sedimentu-fluxu eta ura beste arazo bat izan liteke, Indonesian eurite sasoian baitaude.
Zentroak, halere, zehaztu du errautsek ez dutela aireportuan eragiten, baizik eta Agung mendiko iparraldean eta hego-mendebaldean. Hori gorabehera, 26 airelineak bertan behera utzi zituzten hegaldiak igandean Balin.
Garraiobide Ministerioak, zentroaren oharraren ostean, aireportua ixtea agindu du. Angkasa Pura I enpresak esanetan, "Agung mendiaren errautsaren eragin zuzenagatik" hartutako erabakia dela, The Jakarta Globe egunkariak argitaratu duenez.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.