Australiak homosexualen arteko ezkontzak legeztatu ditu
Homosexualen arteko ezkontzak legezkoak izango dira Australian abenduaren 9tik aurrera. Parlamentuak gaur onartu du hori ahalbideratzen duen lege proiektua. Horrenbestez, sexu bereko pertsonen arteko ezkontzak legeztatzen dituen 25. nazioa izango da Australia.
Dean Smith senatari liberalak prestatutako proiektua da ganberak onartutakoa. Joan den astean Senatuan eztabaidatu eta onartu zuten. Aurrez, loteslea ez zen posta bidezko inkesta egin zuten herritarren artean, eta orduan ere gehiengo baten oniritzia jaso zuen proiektuak. Izapide parlamentarioak bukatuta, Australiako gobernadorearen sinadura baino ez da falta indarrean sartzeko.
"Hau da hau eguna! Egun bikaina maitasunarentzat, berdintasunarentzat eta errespetuarentzat! Australiak lortu egin du", egin du oihu Malcolm Turnbull Austrialiako lehen ministroak bozketa baino lehen. Antzeko aldarria bota du Bill Shorten oposizioburuak ere: "Etorkizuneko Australia gaurko erabakiarekin hasi gara eraikitzen".
Babes zabala lortu du lege-proposamenak (kontrako lau boto baino ez dira egon). Bozketa amaituta, txaloak eta besarkadak izan dira nagusi Parlamentuan.
Bi diputatu, pozaren pozez, bozketa eta gero. Argazkia: EFE
Larunbatean sartuko da indarrean
Diputatu ugarik ortzadarraren (LGTBIQ mugimenduaren sinboloa) banderak eta lepokoak eraman dituzte. Parlamentu kanpoaldean ere, nonahi ikus zitezkeen koloreok.
George Brandis Australiako fiskal nagusiak bozketaren ondoren hedabideei helarazitako ohar baten arabera, "erreforma historiko hau 2017ko abenduaren 9an sartuko da indarrean".
Erreformak 1961eko Ezkontzen Legea moldatuko du. 2004an aldatu zuten legea azkenekoz, ezkontzak gizonen eta emakumeen artekoak bakarrik zirela zehazteko. Horren ondotik, Auzitegi Gorenak homosexualen arteko ezkontzen aldeko hainbat ekimen baliogabetu ditu, moldaketa hori aintzat hartuta.
Zure interesekoa izan daiteke
Bonba batek eztanda egin du Siriako Homs hiriko meskita alaui batean, eta gutxienez zortzi pertsona hil dira
Leherketa ostiral eguerdiko otoitza egiten ari zirela izan da, eta, ikerketaren lehen datuen arabera, bonba tenpluaren barruan zegoen jarrita.
Trumpen eta Zelenskiren igandeko balizko bilerak mugimendu berria eragin dezake bake negoziazioetan
Errusiak, bestalde, baieztatu du Estatu Batuekin harremanetan jarri dela, Kievek eta bere aliatuek bultzatutako bake plan berria aztertu ostean.
Hauek dira aurten nazioartean izandako albiste nagusiak
Nazioarteko politikak galdera ugari utzi ditu mahai gainean. Trumpek narkoterrorismoa babestea leporatzen dio Venezuelari, Europa berrarmatzeko bidean da, eta ultraeskuinak gorakada handia izan du Alemanian, Austrian, Erresuma Batuan, Txekian, Portugalen eta Espainian.
Berriz irekiko dute Fukushimako zentral nuklearra
TEPCO enpresak munduko zentral nuklearrik handiena suspertuko du urtarrilean, tokiko agintarien oniritzia jaso ondoren.
Venezuelak 99 preso askatu ditu, 2024ko hauteskundeen ostean atxilotutakoak
Gobernuak azpimarratu duenez, "giza eskubideekiko errespetu zorrotza bermatzeko" hartu dute erabakia.
Estatu Batuek Estatu Islamikoaren kanpalekuak bonbardatu dituzte Nigerian
Donald Trump AEBko presidenteak iragarri duenez, misilekin erasotu dituzte talde jihadistak Afrikako herrialdearen ipar-mendebaldean dituen instalazioak.
Teleferikoa, Parisko mugikortasun arazoak konpontzeko proiektu berria
Orain arte, lur gainekoa edo azpikoa zen Parisko garraio publikoa, baina orain airera eramatea erabaki dute. Europan lehen aldia da horrelako proiektua martxan jartzen dela. Erosoa eta isila da Paris kanpoaldeko lau herri lotzen dituen teleferikoa.
Ukraina "atsedenik gabe" ari da lanean bake-plana "errealista eta fidagarria" izan dadin
Zelenskik telefonoz hitz egin du AEBetako mandatari bereziarekin. Asteazkenean, ateak ireki zizkion Donbasetik tropak erretiratzeko aukerari.
Gabonetako meza San Pedroko basilikara itzuli da 30 urte baino gehiagoren ondoren
Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.