Gutxienez 15 pertsona zauritu dira Melbournen 'nahita' egindako harrapaketa batean
Gutxienez 15 pertsona zauritu dira Melbournen (Australia) orotariko ibilgailu batek "nahita" harrapatuta. Poliziak bi pertsona atxilotu ditu.
Agintarien arabera, 13 lagun eraman behar izan dituzte erietxeetara, eta beste bi harrapatu dituzten lekuan bertan artatu dituzte. Larrien zauritutakoen artean ume bat dago, eta Haurrentzako Errege Ospitalera eraman dute.
Russel Barret Victoria estatuko poliziaburuak jakinarazi duenez, "nahita egindako ekintza izan da", baina harrapatze hori eragin duten "arrazoiak" argitzeke daude.
Harrapaketaren gunera ez joateko eskatu die Barretek herritarrei. Flinders kaleko tren-geltokitik hurbil jazo da, Melbourneko finantza barrutian, bertan 16:30 zirenean.
Agintariek itxi egin dute ingurua. Argazkia: EFE
Atentatu terrorista bat izan den galdetuta, hori esateko goizegi dela adierazi du Barretek. Oraindik ez omen dute atxilotutakoen kontrako kargurik aurkeztu.
Media conference regarding the Flinders Street incident with Commander Russell Barrett. pic.twitter.com/j7zx0V5fYQ
— Victoria Police (@VictoriaPolice) 21 de diciembre de 2017
Lekukoen arabera, orotariko ibilgailu batek "abiada bizian hainbat pertsona harrapatu ditu". Atxilotutakoak ibilgailuaren ustezko gidaria eta beste gizon bat dira.
2014ko irailean alerta terroristaren maila igo zuten Australiako agintariek, eta atentatuei aurrea hartzeko hainbat lege onartu dituzte. Dena dela, lau atentatu izan dira ordutik.
Azaro amaieran gizon bat atxilotu zuen Poliziak Urteberri egunean Melbourneko Federation plazan tiroka hasteko asmoa zuelakoan.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.