Applek 250.000 milioi dolar itzuliko ditu AEBra
Asteazken honetan jakitera eman duenez, Ameriketako Estatu Batuetatik kanpo dituen kapitalen zati handi bat, denak ez badira, herrialdera itzuliko ditu Applek. Enpresaren aurreikuspena da 350.000 milioi dolarreko ekarpena egitea AEBko ekonomiari ondorengo bost urteotan, 2023ra arteko epean; Applek, 2017an, esan zuen 252.300 milioi dolar dituela Estatu Batuetatik at, eta, zenbat itzuliko duen zehaztu ez badu ere, adituek uste dute asmoa dela kopuru hori guztia bueltatzea. Halaber, adierazi duenez, 20.000 lanpostu berri sortuko ditu hurrengo bosturtekoan.
Zabaldutako agiri batean, Applek dio 38.000 milioi dolar ordainduko dituela zergetan, zehaztu gabeko epean, mundu osoan dituen kapitalak Estatu Batuetara itzultzeagatik: "Zergetan historian egindako ordainketa guztiak kontuan izanik, baliteke hau handiena izatea", dio enpresak, Cupertino (Kalifornian) hirian duen egoitzatik.
2017ko amaieran onartutako erreforma fiskalak babesten du kapitalak herriratzea; erreforma horren xedeetako bat da, besteak beste, AEBko enpresek euren kapitalak bueltan ekartzea, zerga-zama arinduz.
Toni Sacconaghi Bernsteineko analista seniorraren iritziz, Applek hartutako neurriaren harira, aukera dago beste enpresa batzuek ere erabakitzea euren kapitalak AEBra itzultzea; hala ere, batek ere ez du Applek beste ditu atzerrian, adituen kalkuluen arabera. Espezializatutako hainbat komunikabideren arabera, AEBko enpresek 1 eta 3 bilioi dolar bitarteko kopurua dute herrialdetik kanpo; IBMk, adibidez, 10.000 milioi bat dolar ditu.
Orain, zalantza da zer egingo duen Applek bueltatuko duen diru horrekin; enpresak ez du zehaztu, baina baliteke erabiltzea zorra ordaintzeko, dibidenduak ordaintzeko, edo, Sacconaghik dioenez, "erosketa garrantzitsuren bat egiteko".
Donald Trump, pozik erabakiarekin
Donald Trump pozik azaldu da Applek kapitalak bueltatuko dituela jakin duenean: "Hitzeman nuen nire politikek laguntza emango zietela Apple bezalako enpresei diru-kopuru handiak berriro ekartzeko AEBra. Zoragarria da ikustea nola ari den egiten Apple, zerga-murrizketaz baliatuz", esan du Trumpek, Twitterren.
Presidentearen iritziz, Applek erabakitakoa "garaipen handia" da, bai AEBko langileentzat, bai eta herrialdearentzat ere".
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.