Ekialdeko Ghoutan su-eten humanitario bat indarrean sartzeko agindua eman du Putinek
Ekialdeko Ghouta oposizioaren gotorlekuaren aurkako erasoaldi odoltsuaren ardura Vladimir Putin Errusiako presidenteari egotzi dio Mendebaldeak azken egunetan. Horrela gauzak, biktima gehiago ez izateko, su-eten humanitario bat astearte honetan indarrean sartzeko agindua eman du Putinek.
“Errusiako presidenteak aginduta, eta Ekialdeko Ghoutan biktima gehiago ez izateko helburuarekin, otsailaren 27tik (…) su-eten humanitario bat indarrean sartuko da”, iragarri du Serguei Shoigu Errusiako Defentsa ministroak.
Su-etena NBEko Segurtasun Kontseiluak asteburuan onartutako 2401 ebazpenarekin zuzenean lotu du ministroak. Su-etena egunero izango da indarrean, 09:00etatik 14:00etara.
Gainera, Ekialdeko Ghoutatik gaixo dauden pertsonak eta zaurituak eta “zibilak ateratzeko korridore humanitario bat zabaltzeko” konpromisoa hartu du Errusiak.
Ondoren, Jmeimimen (Siria) basea duen Adiskidetzerako Errusiako Zentroak zehaztu duenez, su-eten humanitarioak Douman eta Arbilen izango dira.
“Atzerapenik gabe alde guztiek erasoak bertan behera utzi” eta “Siria osoan gutxienez 30 egunez jarraian su-eten humanitario bat” mantentzeko konpromisoa eskatu zuen NBEko ebazpenak. Aldaketa batzuk sartuta, ebazpenari betorik ez jartzea onartu zuen Errusiak.
"Lurraren gaineko infernu hau gelditzeko ordua da"
Ordu batzuk lehenago, “Lurraren gaineko infernu hau gelditzeko ordua da”, adierazi du Antonio Guterres NBEko idazkari nagusiak, Genevan.
Alepo hartu ondoren, Putin Siriara joan zen abenduan, terrorismo jihadistaren gaineko garaipena aldarrikatzeko, baina borrokak berriz areagotu dira aurten. Egoera humanitario larria da.
Borrokak ez dira iragan astean bezain odoltsuak, baina bonbardaketak goizean errepikatu direla salatu du NBEk: gutxienez 17 pertsona, horien artean lau adingabe eta emakume bat, hil dituzte gaurko erasoetan. Horrela, otsailaren 18tik 500 hildako baino gehiago izan dira Ekialdeko Ghoutan.
Zibilen sarraskiaren atzean dagoenik hasieratik ukatu du Kremlinak, eta “terroristei babesa ematen dieten horiek” Ekialdeko Ghoutaren egoeraren erantzule egin ditu Moskuk.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak jakitera eman duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean jarraitzen dute. Garraio publikoa eten egin da eta semaforoak ez dira martxan egon hainbat gunetan. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.