NBEren Segurtasun Kontseiluak ez ditu gaitzetsi Siriaren aurkako bonbardaketak
Estatu Batuek, Erresuma Batuak eta Frantziak herrialdearen aurka azken orduetan egindako erasoa gaitzesteko Errusiaren ebazpena errefusatu du NBEren Segurtasun Kontseiluak, larunbat honetan.
Ebazpenaren zirriborroaren arabera, erasoak nazioarteko eskubidea eta Nazio Batuen Karta urratzen ditu, eta Bachar al Asaden erregimenaren aurka etorkizunean indarra ez erabiltzeko eskatu die hiru nazioei.
Siriako lurralde-subiranotasunaren aurkako "erasoagatik" "kezka larria" adierazi du testuak. Halaber, apirilaren 7an arma kimikoak erabili izanari buruzko salaketak ikertzeko aditu talde bat iritsi da larunbat honetan herrialdera, eta haien lana onartzeko eskatu dio nazioarteko komunitateari.
Dokumentuak kontseiluko hiru ordezkariren babesa lortu du soilik (Errusia, Bolivia eta Txina), eta lau abstenitu egin dira (Peru, Kazakhstan, Etiopia eta Ekuatore Ginea).
Kontseiluko zortzi partaidek kontra bozkatu dute (Estatu Batuek, Erresuma Batuak, Frantziak, Suitzak, Boli Kostak, Kuwaitek, Herbehereak eta Poloniak), ondorioz, ebazpenak ez ditu onartua izateko beharrezkoak diren bederatzi botoak lortu.
Haien jarrera ezagutzera eman duten ordezkarien artean, Olof Skoog Suitzako ordezkaria dago; haren hitzetan, herrialdeak kontra bozkatu du testua "orekatua ez zegoela" eta herrialdearen kezka nagusiei kasurik egiten ez diela uste izanda.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.