Maduro presidente izendatu dute Venezuelan, 2025era arte gobernatzeko
Iragan igandeko hauteskundeetan berriz aukeratu ondoren, Nicolas Maduro estatuburu izendatu du berriro gaur Venezuelako Hauteskunde Batzorde Nazionalak. Bertako oposizioak hauteskunde prozesua zalantzan jarri du, eta nazioarteko zenbait gobernuk “iruzurtzat” jo dute.
Tibisay Lucena Hauteskunde Batzorde Nazionaleko presidenteak aldarrikatze ekitaldia zuzendu du, eta buruzagi chavistari egiaztagutunak eman dizkio. Madurok 6,2 milioi boto (% 67,81) lortu zituen azken hauteskundeetan. Henri Falcon gobernadore ohiak, aldiz, bozen % 22 eskuratu zituen.
Madurok 6.224.040 boto jaso zituela esan du Lucenak, Venezuelako Hauteskunde Batzordeak astelehenean iragarritakoak baino 34.000 bat gehiago. Venezuelako 9.132.655 herritarrek parte hartu zuten bozketan, hautesle-erroldaren % 46,02.
Hauteskunde-akten ia % 99 zenbatuta, Falconek 1.917.036 boz lortu ditu, Javier Bertucci artzain ebanjeliko ohiak 988.761 eta Reinaldo Quijada ingeniariak 36.246.
Falcon chavista ohiak ez zuen oposizioko koalizioaren agindua bete, eta hautagaitza aurkeztu zuen. Hala ere, iragarritako emaitzak onartzen ez dituela adierazi du, Luis Emilio Rondon hauteskunde errektoreak egin bezala. Hauteskunde Batzordeko bost kideetatik Chavismoarekin kritikoa den bakarra da Rondon.
Batasun Demokratikoaren Mahaiak (MUD) ez zuen hauteskundeetan parte hartu, “iruzurra” zirela iritzita. Oposizioko alderdien koalizioak abstentzioa eskatu zuen. Abstentzioa % 53,98koa izan zen, azken bi hamarkadetako handiena.
Nazioarteko zenbait gobernuk, besteak beste, AEBek eta Espainiak, hauteskundeetako emaitzak zalantzan jarri dituzte, baina Tibisay Lucena Hauteskunde Batzorde Nazionaleko presidenteak ez ditu onartu. Venezuelarrek hauteskundeetako emaitzak errespetaraziko dituztela ziurtatu du.
“Burujabetza nazionalari egindako jazarpenean gobernuak eta erakunde aldeaniztunak parte hartzen ikusi ditugu harrituta, abstentzioa eta hautagaitzen lintxamendua bultzatzeko kanpainak finantzatu dituzte komunikabideetan zein sare sozialetan, demokrazia eta bakea setiatzeko helburuarekin”, adierazi du Lucenak.
Bertako oposizioak oraingoz aurkeztutako salaketek ez dute frogarik eta hautestontzietan azaldutako borondatea ez dute zalantzan jartzen, erantsi duenez. Ondorioz, Madurok 2025era arte gobernatzeko boterea duela ebatzi du.
Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.