Goi-bilera “fantastikoa” Ipar Korea eta AEBren artean
2018ko ekainaren 12a betiko markatuta geratuko da Ameriketako Estatu Batuetako eta Ipar Koreako agintari gorenek eskua elkarri eman diotelako eta mahai berean elkarren ondoan eseri direlako lehen aldiz, oso bestelako ideologia izan arren. Ipar Korea erabat desnuklearizatu eta Koreako penintsulan bake iraunkorra ezartzeko egin dute.
Iragan asteburuan, G7a osatzen duten munduko zazpi herrialde garatuenen agintariak bileraz bilera ibili ziren Ipar Amerikako Merkataritza Libreko Ituna negoziatzen. Bilkura gatazkatsua izan zen, eta AEBko Gobernuaren buruak (Donald Trump) eta Kanadakoak (Justin Trudeau) adierazpen gogorrak egin zituzten bertan. Haren ostean, begi guztiak Singapurko Sentosa uhartean, Capella hotelean, Ipar Koreako presidenteak eta AEBkoak egin behar zuten goi-bileran gertatzen zenari begira zeuden gaur.
Hala ere, oraingoan ez da arazorik izan. 48 minutu eman dituzte lehenengo elkarrekin bilduta, biek bakarrik, aholkularirik gabe, eta ordu eta erdi baino gehiago gero, aholkulari eta guzti, eta, Trumpen esanetan, bilera “benetan fantastikoa” izan da.
Agintari bien arteko harreman ona ikusita, gero eta gertuago dago 1950ean hasi eta 1953an bukatu zen eta 65 urte geroago oraindik bake-hitzarmenik ez duen gerratearen bukaera. Amaiera horrek erabateko desnuklearizazioa ere ekarriko du, eta horretarako datarik jarri ez badute ere, “laster” hasiko da, Trumpen arabera.
Horrela, bi liderrek sari pertsonala lortu dute. Batetik, Kim Jong-unek Ipar Koreak urte hauetan guztietan jasan duen hermetismoa gainditu, eta, ondorioz, oso geldituta dagoen gizarte bat modernizatzea lortuko du, eta, nazioarteak jarritako zigorrak gainditutakoan, ekonomia hobetzea. Donald Trumpek, bere aldetik, harro esan ahalko du Ipar Koreako buruarekin bildu den lehen presidente estatubatuarra izan dela eta 38. paraleloan nabariagoa den nazioarte mailako krisi larriari eta gatazkari azkena ematen lortu duela.
(*) Imanol Butron Alonso, Zientzia Politikoetan graduatua Euskal Herriko Unibertsitatean, EiTB-EHU Multimedia Komunikazio Masterreko ikaslea da eta eitb.eus-en dabil praktikak egiten.
Zure interesekoa izan daiteke
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.