Trumpek Brett Kavanaugh aukeratu du AEBko Auzitegi Goreneko magistratu izateko
Donald Trump AEBko presidenteak Brett Kavanaugh kontserbadorea Auzitegi Goreneko magistratu izendatu du. Gauzak horrela, erretiroa hartu duen Anthony Kennedy eskuindar moderatuak utzitako hutsunea beteko du. 2006tik orain arte Columbiako barrutirako Apelazioko Auzitegiko epaile izan da Washingtonen, eta Bush familiaren administrazioekin loturak izan ditu.
"Estatu Batuetan ez dago posizio horretarako bera baino pertsona egokiagorik", ziurtatu du Trumpek. 24 hautagairen artean nagusitu da.
Presidente estatubatuarrak Kavanaughren tituluak azpimarratu ditu; izan ere, Yale Unibertsitate entzutetsuko bi titulu baditu. Halaber, Bush familiaren administraziotan lan egin izan du. "Epaileen epailetzat jotzen dute", nabarmendu du.
Trumpek egindako sarreraren ondotik, oholtzara igo eta hitza hartu du Kavanaughek. "Senatuak nire izendapena konfirmatzen badu, kasu bakoitzaren aurrean pentsamendu irekia mantenduko dut eta AEBko Konstituzioa eta legezkotasuna babesten saiatuko naiz", hitzeman du. "Epaile batek independentea izan behar du eta legea interpretatu behar du, ez asmatu", gaineratu du.
Kavanaughek goi ganberaren onespena behar du. Dena den, errepublikakoen gehiengoa dute eta ez da ezustekorik espero. Hala balitz, Auzitegi Gorenak are kontserbadoreagoa bihurtuko litzateke.
Trumpek hautatutako bigarren epailea da. 2017an Neil Gorsuch aukeratu zuen aurreko urtean hil zen Antonin Scalia ordezkatzeko.
Zure interesekoa izan daiteke
Palestine Actioneko gose greba luzeena da Erresuma Batuko kartzeletan, IRAren garaitik
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun elikagaiak jan gabe betetzen dituztenak.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.