Ameriketako Estatu Batuak
Gorde
Kendu nire zerrendatik

Emakume bat hil dute Los Angelesen, bahituak izan dituen tiroketa batean

Poliziarengandik ihes egiten ari zen gazte baten autoak talka egin zuen supermerkatu batetik gertu, eta gaztea barruan sartu zen, bertan 50 bat lagun zeudela.
Gaztearen autoa supermerkatutik gertu egin zuen talka. Argazkia: EFE.
Gaztearen autoa supermerkatutik gertu egin zuen talka. Argazkia: EFE.

Emakume bat hil dute Los Angelesen (Kalifornia, Ameriketako Estatu Batuak), supermerkatu batean izandako tiroketa batean; hain zuzen ere, gazte batek orduak eman zituen barruan, bahituak eginda, eta Poliziak eta berak elkarri tiro egin zioten.

Larunbat arratsaldean gertatu zen, Silver Lake auzoan, hiriko erditik gertu: “Susmagarria gorabeherarik gabe eraman dugu, zaintzapean”, zabaldu du Los Angeleseko Poliziak Twitterreko bere kontuan.

Handik gutxira, Eric Garcetti alkateak jakitera eman du, prentsaurrekoan, emakume bat hil zuela erasotzaileak, eta susmagarriak zauri bat zuela besoan.

Poliziarengandik ihes egiten ari zen

Agintariek azaldu dutenez, ustezko erasotzaileak, 28 urtekoa bera (nor den ez dute esan), ihes egiten ari zen; izan ere, Los Angeleseko hegoaldean amonari eta beste emakume gazte bati egin zien tiro.

Jazarpena supermerkaturik gertu amaitu zen; gazteak talka egin zuen autoa, hurbil. Erabaki zuen barruan sartzea, bertan 50 bat lagun zeudela.

Bahituak egin zituen, hiru orduz, eta hainbat tiroketa izan ziren; azkenik, susmagarria errenditu egin zitzaion Poliziari.

Zure interesekoa izan daiteke

Kimmel Trump
18:00 - 20:00
ZUZENEAN
Duela  min.

Trumpek Jimmy Kimmel kaleratzea eskatu du, Etxe Zuriari buruz egindako parodiagatik

Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu. 

Sicialia ontzia Global Sumud Flotilla
18:00 - 20:00
ZUZENEAN
Duela  min.

Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena

Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.

Gehiago ikusi
Publizitatea
X