Aholkulari batzuek 2017an ohartarazi zuten Genovako zubia narriatuta zegoela
Atlantia nagusia duen Autostrade per l’Italia emakidadun italiarrak kontratatutako hainbat aholkularik 2017ko azaroan ohartarazi zioten enpresari Genovan asteartean behera eroritako zubia narriatuta zegoela; gutxienez, 38 lagun hil ziren ezbeharrean.
Italiako hainbat komunikabidek eman dute jakitera zer dioen Carmelo Gentile eta Antonello Ruoccolo Milango Institutu Unibertsitario Politeknikoko irakasleen txostenak; Autostradek kontratatu zituen biak, xede izanik beroriek aldizkako aholkularitza ematea zubiaren egoeraren gainean. 2017ko azaroko txosten horren arabera, zubiaren material batzuek narriadura pairatzen zuten; hala nola, kableen oxidazioa. Konpainiari gomendatzen zion ebaluazioa egitea, arazo horiei heltzeko.
2017ko urrian, aldiz, Autostraderen Genovako zuzendari Stefano Mariglianik ondorengoa esan zien hiriko Udaleko eta Liguria eskualdeko agintariei: une hartan, zubibideak ez zuela "inolako egiturazko arazorik". Zubiaren aldameneko eraikin habitagarri batzuetako bizilagunek, baina, helarazita zieten tokiko agintariei kezkatuta zeudela, azpiegituraren egoeragatik.
Mariglianik, orduan, bermatu zuen Autostrade hainbat mantentze-lan ari zela egiten, eta aurreikusita zituela bi esku-hartze estruktural, 2018rako, azpiegitura indartzea xede; zubia ez zen itxi, eta konpainiak programatutako esku-hartzeak egiteari ekin zion. Horretarako, 20 milioi euro erabiltzeko asmoa zuen.
Salvini festa batera joan zen zubia behera erorita, eta Italia oso haserre dago
Bestalde, Italiako Barne ministro Matteo Salvini ultraeskuindarra afari batera joan zen abuztuaren 14an, alegia, zubia behera erori zen egunaren gauean, alderdikide batzuekin, Ligako beste kideekin hain zuzen ere. Horrek haserre handia eragin du herrialdean.
Mesina hirian antolatutako festa bat izan zen, Sizilian, eta 260 lagun zeuden bertan; arraina afaldu zuten, eta ardoa erabiliz egin zuten topa, hainbat alderdikidek sare sozialetan erakutsi dutenez. Postrerako, tarta handia dastatu zuten, eta bertan hauxe irakurri ahal zen: "Taldeak irabazten du".
Gau horretan bertan, bitartean, mila bat langile, tartean hainbat suhiltzaile, polizia-agente, eta larrialdi-taldeetako eta osasun-arretako taldeetako kide lanean zeuden, Morandi zubiko hondakinak kentzeko asmoz.
Salviniren jokabidea gogor salatu dute oposizioaren zenbait kidek, bai eta milaka herritarrek, sare sozialetan.
Matteo Orfini Alderdi Demokrataren presidenteak (centro-ezkerrekoa da alderdi hori) esan duenez, "Salviniren irudi horiek, festa batean zegoela, Genovan ordu oso latzak zeuden unean, herrialdearen minarentzako zaplaztekoa da".
Salvinik, bere aldetik, esan du polemika hori "ezkerraren erasoen eraginez" sortu dela.
Bost pertsona desagertuta jarraitzen dute
Bost pertsona desagertuta jarraitzen dute Genovan, joan den asteartean zubi bateko zati bat behera erori zenetik. Italiako agintariek 38 pertsona hil direla baieztatu dute. Gainera, 15 zauritu daude, horietatik 9, larri daude.
Desagertuen kopurua zehaztea ez da erraza izan, orain arte agintariek ez zekitelako zenbat pertsona zeharkatu zuten asteartean behera etorri zen zubia.
Zure interesekoa izan daiteke
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Trumpek berriz esan du Espainiak ez duela Defentsan "laguntzen", eta merkataritza-harremana etengo duela mehatxu egin du
Donald Trump AEBko presidenteak asteazken honetan esan duenez, Espainiako Gobernuak "ez du laguntzen" Defentsaren alorrean, eta bien arteko merkataritza-harremana etengo duela mehatxu egin du berriro.
Ormuzko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.