Irlandan abusuak ezkutatu izana 'kaka' dela esan du Frantzisko aita santuak
Frantzisko aita santuak bertatik bertara ezagutu zituen atzo Irlandako instituzio erlijiosoetan gertatu ziren adin txikikoen kontrako sexu-abusuak eta emakumeek pairatutako seme-alaba lapurreten lekukotzak, Dublinen zortzi biktimekin elkartuta.
Ordu eta erdi iraun zuen bileran, euren bizipenak azaldu zizkioten, azken 40 urte hauetan Irlandako kleroak egindako gehiegikeriak salatu. Irlandako Ama-Semeen Etxeen Koalizioak, lapurtutako haurrak eta euren ama biologikoak elkartzeaz arduratzen den elkarteak, agiria kaleratu zuen bileraren ostean hainbat xehetasun argitara emanez. Frantzisko aita santuak "kaka" deitu ziela ustelkeriari eta abusuak ezkutatzeari, adibidez.
Clodagh Malone parte hartzaileetako batek azaldu zuenez, "oso topaketa potentea izan da. Benetako interesarekin entzun gaitu".
Aita santuak, gainera, "The Adoption Machine" (adopzio makina) liburuaren kopia bat jaso zuen. Atzoko topaketan parte hartu zuen biktima batek idatzia, aipatu Etxe horietan izan ziren gehiegikeriak jasotzen ditu: "Aita santua benetan shock egoeran geratu zen 6.000 haur hil zirela, 3.000 desagertu zirela, eta txertoekin esperimentuak egin zituztela jakitean" kontatu dute biktimek. Horien arabera, mezu zuzena emango du gaurko mezan.
Irlandako kleroaren biktimek "ekintza zuzenak" eskatu dizkiote Frantzisko aita santuari, horrelakorik berriz gerta ez dadin, eta, batez ere, errudunak zigortzeko.
Irlandako Elizak "abusuen krimen gorrotagarriei modu egokian aurre egiten" porrot egin duela adierazi zuen Aita Santuak, larunbat honetan, Dublinen, egin zuen lehen agerraldian. "Elizan adin txikikoak babestu eta hezi behar zituzten kideek abusuak egin zizkieten, eta horrek Irlandan sortutako eskandalu larria aitortzeari ezin diot utzi", azaldu zuen.
Bi eguneko bisita egiten ari da Jorge Bergoglio Dublinera, Familien Munduko Topaketan parte hartzeko.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" karguekin atxilotu dute ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.