'Errespetua' eta proposamen berriak eskatu dizkio Mayk EBri
Erresuma Batuarenganako “errespetua” eskatu die gaur Theresa May lehen ministroak Europar Batasuneko buruzagiei. Gainera, ‘Brexit’aren inguruko negoziaketek aurrera egiteko, proposamen berriak aurkezteko exijitu die.
Erresuma Batuko Gobernuak aurkeztutako plana arbuiatu zuten gainerako 27 estatu kideek Salzburgen (Austria), ostegunean. Une honetan elkarrizketa “impasse” batean dagoela onartu du Mayk hitzaldi batean, Downing Streeten.
“Europar Batasuna errespetu osoarekin tratatu dut, eta Erresuma Batuak tratu bera espero du. Prozesuaren azkenean harreman ona izatea horren menpe dago”, esan du lehen ministro kontserbadoreak. Europako agintarien azken goi-bilera tirabiratsuaren balantzea egin du Mayk hitzaldian.
“Negoziazioen fase aurreratu honetan kontrako aldearen proposamenak errefusatzera mugatzea soilik ez da onargarria, azalpen zehatzik eman eta kontraproposamenik aurkeztu gabe”, deitoratu du.
Bere herrialdearentzako “akordio txar” batekin baino, martxoaren 29an adostasunik gabe EBtik ateratzea nahiago duela errepikatu du Mayk. Erresuma Batuaren osotasuna mantentzea marra gorria dela azpimarratu du lehen ministroak.
Zentzu horretan, Ipar Irlandaren eta Erresuma Batuaren arteko “aduana kontrolik” onartuko ez duela ohartarazi du buruzagi kontserbadoreak.
Eskualdea aduana batasunaren barnean utziko lukeen larrialdi mekanismo bat mahai gainean jarri du EBk, nahiz eta Ingalaterra, Eskozia eta Gales kanpoan geratu; Ipar Irlandaren eta Irlandaren arteko muga gogorrik ez izatea bermatzeko, baina May irtenbidearen aurka agertu da.
Bestalde, ‘Brexit’aren ondoren izango duten harreman komertzialaren oinarriak ezartzeko, Londresen eta Bruselaren jarrerak oraindik “oso urrun” daudela onartu du Mayk.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.