Josafat
Gure aitona-amonek, batez ere amonek, kontu berezia izaten zuten beti hildakoaren itxuraz. Edozein izanda ere hiltzeko era eta arrazoia, gorpua desitxuratuta geratu arren, ahalegin berezia egiten zuten azken irudi hura egokia izan zedin. Traje edo soineko dotoreena jartzen zitzaien, aurpegia garbitu eta ilea orraztu. Eta guzti hori egiten zuten, hildako hura Josafateko Ibarrera zihoalako, han elkartzen omen ziren hildako guztiak azken egunaren zain. Egun Handia iristerakoan, munduaren amaieran, jainkoak guztiok epaituko gintuen eta une nagusi horretan irudiak garrantzi handia izan zezakeen.
Ez dakigu zenbat jende elkartu gintezken haran horretan, gaur egun 7. 200 miloi biztanle gara munduan eta zenbait adituk dio Homo Sapiensen ondorengoak 80.000 miloi izan gintezkeela. Josafateko bailaran sartzeko izango genituzkeen zailtasunez gain, Bibliaren denborak eta gizaki arruntonak ez dute zerikusirik. Bibliak 6.000 urteko historia kontatzen digu, Jaungoikoari mundua asmatzea okurritu zitzaionetik. Gaur egun badakigu, egiaztatuta dagoelako, mundua orain dela 4.500 miloi urte sortu zela eta Josafateko Ibarra Ekialde Hurbileko eremu txikia dela.
Edozeinek esango luke gure aitona-amonen ipuin eta kondaira haiek garai batekoak direla, gaur egun lehen ikasketak amaitu eta noizbehinka egunkariak irakurtzen dituen edonork irribarre egin zukeela hura entzuterakoan. Baina munduko herrialde aurreratu eta garatuenean, asko dira Biblian idatzitakoa erabateko egi bakartzat dutenak, espezien eboluzioari buruzko teoria iraintzat hartzen dutenak. Eta ez dira guztiak alfabetatu gabeko adimen mugatuko pertsonak. Beste aldean, berriz, miloi asko dira Korana jainkoaren hitza dela uste dutenak, gizakioi mesede ordainezina eginez egia eta bidea erakutsi zizkigula.
Horrek guztiak ez luke inongo garrantzirik izango bitxikeria hutsa balitz, pertsona horiek euren burua eta etxea gobernatzeko erabiliko balituzte kontu horiek. Baina egi frogaezinak berriro bilakatu dira ideologien ardatz eta oinarri. Inoiz azaldu ez den jainkoaren izenean hil egiten gaituzte. Inoiz egiaztatu gabeko teoriak eta helburuak bihurtu dira gobernu zenbaiten iparra. Gezur hutsa da alderdi askoren gobernu programa. Zientziak eta ikerketa historikoak inoiz lortu gabeko garapena duten garai ilun hauetan edozer gauza sinisteko prest gaude, edozeinek baiezta lezake zentzugabekeria handiena eta txalo egingo diogu. Zuria eta beltza bereizteko ahalmena galdu dugun honetan, Josafaterako trajea prestatzen galtzen dugu denbora.
Zure interesekoa izan daiteke
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.