Hegazkinaren kutxa beltzarena izan litekeen seinale bat detektatu dute urpekariek
Urriaren 29an istripua izan zuen hegazkinaren kutxa beltzek bidalitako abisuekin lotuta egon litezkeen seinaleak hauteman dituzte Java itsasoan, Indonesiako agintariek hala aginduta, erreskate-lanetan dabiltzan itsaspekariek, The Jakarta Globe egunkariak jakinarazi duenez.
Boeing 737 MAX hegazkina itsasora erori zen, Jakartako aireportutik atera eta 13 minutura. 189 pertsona zihoazen bertan, eta agintariek uste dute ez dela inor bizirik irten. Antza denez, 35 metroko sakoneran geratu zen hegazkina.
Indonesiako Indar Armatuen buru Hadi Tjahjantoren arabera, dagoeneko aurkitu dute hegazkina. Hori dela eta, urpekariak Java itsasoko puntu jakin batera bidali dituzte, detektatu duten seinalea hegazkinaren kutxa beltzak bidalitakoarekin bat datorren konprobatzeko.
"Uste dugu, azkenik, aurkitu dugula JT610 hegaldiaren fuselajearen zati bat", adierazi du Hadik TV One tokiko telebistan. Izan ere, erreskate-taldeek seinalea jaso duten lekuaren koordenatuak dituzte, eta bertan ari dira hegazkina bilatzen.
Bi kutxa beltzak aurkitzeko, seinaleak lokalizatzeko gailuak ari dira erabiltzen. Kutxa beltzetako batek pilotuen arteko elkarrizketak gordetzen ditu; besteak, berriz, hegaldiaren datuak.
Lion Air konpainiak zuzendari teknikoa kaleratu du
Lion Air low cost konpainiak iragarri du zuzendari teknikoa kaleratu duela.
Danang Mandala Prihantoro Lion Airreko bozeramaileak ohar baten bidez jakitera eman du Indonesiako Errepublikako Garraio Ministerioarekin adostuta hartu dutela erabakia.
Gainera, Muhammad Asif kanporatzearekin batera, konpainiak Muhammad Rusli izendatu du jarduneko zuzendari Lion Air Engineeringerako. Asteazkenean hartuko du kargua.
Zure interesekoa izan daiteke
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.