'Muturreko klimaz' ohartarazi dute Indonesiako agintariek, kaltetutako itsasaldean
Indonesiako agintariek ohartarazi dute "muturreko klima eta olatu handiak" egon litezkeela erupzioan dagoen Anak Krakatau sumendiaren inguruan. Horregatik, kostaldetik urruntzeko agindua eman die, berriro ere, hango biztanleei.
Indonesiako meteorologia agentziak (BMKG ingelesez) asteartean esan zuenez, eguraldi kaskarra dela eta, sumendiaren kraterra hauskorrago bihur liteke.
"Anak Krakatauren dardara bolkanikoak beren-beregi aztertzen dituen kontrol-sistema garatu dugu, alerta goiztiarrak bidali ahal izateko", azpimarratu du Dwikorita Karnawati BMKG agentziaren zuzendariak.
Bien bitartean, errepidetik helezinak diren lekuetara iritsi nahian dabiltza erreskate taldeak. Milaka lagun karpetan edo aldi baterako ezarritako aterpetxeetan sartu dituzte; hala nola, meskitetan edota eskoletan. Hartara, ehunka lagunek lurrean botata edota suntsitutako instalazioetan egiten dute lo egunero.
Tsunamia Gabonetan gertatu izanak, 2004ko abenduaren 26an jazotakoa ekarri die gogora askori. Orduan, 226.000 lagun hil ziren hamalau herrialdetan: horietatik 120.000 gutxi gorabehera, Indonesian.
Gauzak horrela, Indonesiako agintariek kritika gogorrak jaso dituzte sumendiaren erupzioaren ondotik ez zutelako tsunamiaren iritsiera aurreikusi. Nolanahi dela, adituen arabera, ez da ohikoa erupzioen ostean tsunamiak gertatzea.
154 pertsona ari dira bilatzen
Tsunamiaz geroztik desagertutako 154 pertsona ari dira bilatzen Indonesiako agintariak.
Azken balantzeak zehaztu du 430 direla dagoeneko tsunamiak hil dituen lagunak. Gainera, 1.500 pertsona zauritu ditu, eta 16.000 dira etxetik atera behar izan diren herritarrak.
Bilaketa-lanetan diharduten laugarren eguna da gaur. Dirudienez, euriak zaildu egin du erreskate taldeen lana.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak askatzeko operazioa iragarri du gaurtik aurrera.
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.