Trumpek harresi bat du buruan
Trump negozioetan erabiltzen zituen taktika berberak ari da erabiltzen politikan. Bere negoziazioa kontzeptua oso sinplea da: Besteak eman dezala amore. Jarrera harro horrek emaitzak eman dizkio, horretan ez da zalantzarik, oso aberatsa baita; baina hainbat porrot ere izan ditu bere egoskorkeriagatik, New York Plazako hotela edo Atlantic Cityko kasinoak galdu zituenekoa, esaterako.
Bada orain gobernu federaleko langileak dira Trumpen egoskorkeria larrutik ordaintzen ari direnak. Gobernu federalaren menpeko bulego eta erakundeek ia hiru aste daramate itxita eta langileek soldatarik jaso gabe. Arrazoia argia da: Trumpek ez du euren funtzionamendurako aurrekontua onartuko Kongresuak ez badio berari baimentzen 5.000 miloi dolarreko gastua Mexikoko harresi famatua eraikitzeko. Hainbestekoa da Trumpen tema harresiarekin ezen oso gauza larria esan duen: Prest dago larrialdi egoera ezartzeko Mexikoko mugan, eta horrela, Kongresuari jaramon egin gabe diru partida hori onartu. Larrialdi dekretu bidez gobernatzearen ideia Ameriketako Estatu Batuetako (AEB) tradizio politikoaren guztiz aurkakoa da. Eta Trump Maduro venezuelarraren mailan jarriko luke, hainbeste kritikatzen duen agintariaren maila berean.
Zure interesekoa izan daiteke
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz