Trumpek harresiaz soilik hitz egiten du
Argi dago Mexikoko harresia izango dela Trumpek berriz presidente izan nahian kanpainan erabiliko duen argudio nagusia. Atzo Trumpek telebista mezua eman zuen Etxe Zuriko bere bulegotik. Ekintza solemnea da; duela bi urte presidente izendatu zutenetik ematen duen mota honetako lehen hitzaldia da.
Zer ote da estatubatuarrei esateko zuen hain gauza garrantzitsua? Ba Mexikoko mugan larrialdi egoera dagoela, herrialdeko segurtasuna arriskuan dagoela, eta handik sartzen direla terroristak eta gaizkileak. Eta hori soilik harresia eraikiz konpondu daitekeela. Are gehiago, Kongresuak ez badio harresia eraikitzeko dirurik ematen, Trump prest dago larrialdi egoera nazionala deitzeko berak aukera izan dezan dirutza hori onartzeko Kongresuaren baimenik gabe.
Hitzaldi guztia gezur eta datu okerrez beteta egon zen. Ez zuen benetako datu bat bera ere eskaini esaten zuena frogatzeko; egia da berak esaten duelako eta kito!
Trumpek horrelako setakeria izatearen arrazoia sinplea da: harresia eraikitzea izan zen bere jarraitzaileei egin zien promesa nagusia. Eta ez badira laster eraikitzen hasten, berriz presidente izateko bere aukerak nabarmen murriztuko dira.
Zure interesekoa izan daiteke
Ehunka mila lagun atera dira kalera Pragan, hedabide publikoen independentziaren alde
Estoniak Errusiarekin duen muga itxiko du abenduan, Moskuri leporatutako sabotaje bat tarteko
AEBko Gobernuak kontratistaren hutsegite bat edo bideratzaile baten akatsa aipatu ditu aireko kaosaren balizko arrazoien artean
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gurutzaontzi turistiko bat irauli da Mississippi ibaian, petrolio-ontzi batekin talka egin ostean
EBk bost herrialdetako ordezkariak bidaliko ditu Ukrainaren eta Errusiaren arteko bake elkarrizketetara
AEBk hegaldiei ekin die berriro, komunikazio arazo batengatik lau orduz etenda egon ondoren
Moskurekin negoziazioaren buru nor izango den erabakitzeko eztabaida abiatu du EBk
Jensen Huang Nvidiako CEOak dimititu egin du, eskandaluen ondorioz