Bigarren independentzia erreferendum bat egiteko lege-proiektua aurkeztu du Eskoziak
Eskoziako Gobernuak bigarren independentzia erreferendum bat egiteko lege-proiektua aurkeztu du Parlamentuan. Izapide horrek Erresuma Batuko Exekutiboarekin hitzarmen bat adostea behar du, baina horrek galdeketa adosteari uko egiten dio.
Testu legala aurkeztu ostean, Nicola Sturgeon Eskoziako lehen ministroak esan du "orain inoiz baino gehiago" Eskoziak "aukerak irekita" mantentzea "ezinbestekoa" da, herritarrek "etorkizun hobe bat hautatzeko aukera izateko".
"Legealdi honetan independentzia erreferendum bat egiteak Europako nazio independente bat izatea hautatzeko aukera emango dio Eskoziari, inposatutako brexit bateko etorkizuna izan beharrean", esan du.
Aurkeztutako Erreferendum Legeak ez du galdeketa egiteko datarik edo galderarik zehazten, Gobernuaren asmoa prozesu osoa Erresuma Batuko Exekutiboarekin adostea baita. Beraz, legeak kontu horiek "bigarren mailako legeetan" onartzea aurreikusten du.
"Akordio bat bilatuko dugu dagokionean eskumenen transferentzia egiteko, edozein arazo legalik izango ez duen independentzia erreferendum bat egin ahal izateko, Parlamentu honetan tramitatu ahal izateko", esan du Sturgeonek.
Plebiszituak Londresen oniritzia izatearen borondatea errepikatu du Eskoziako lehen ministroak. 2014ko prozesua errepikatzea nahi du. Erreferendum horretan, % 55k independentziaren aurka bozkatu zuen.
Modu honetako galdeketa lotesle bat egin dadin, beharrezkoa da Gobernu britainiarrak 30 sekzioko agindua aktibatzea. Horren bitartez, Eskoziako Parlamentuak hartuko lituzke erreferendumak antolatzeko eskumenak.
Theresa Mayren gobernuak blokeoa mantentzea "haserre demokratikotzat" eta "erabat defendaezintzat" du Sturgeonek.
Eskoziako Alderdi Nazionalistaren (SNP) buruaren asmoa lege-proiektuak Parlamentuko izapide guztiak 2019 amaieran betetzen bukatzea da, galdeketa egiteko "momentu egokia" hurrengo urteko bukaera dela uste duelako, 2021ko Eskoziako hauteskundeak baino hilabete batzuk lehenago.
SNPk gutxiengoan gobernatzen du, baina independentziaren alde dauden Berdeen babesa dauka.
Harreman Konstituzionaletako ministro Michael Russellek Parlamentuan esan duenez, brexitari buruzko bigarren erreferendum bat lortzeko lanean jarraituko du SNPk. Hala ere, "aurrera egiteko modu onena Europako nazio independente bat" bilakatzea dela azpimarratu du.
Gainera, bere gobernuak hurrengo hilabetean alderdi guztiekin adostasunak bilatzeko elkarrizketa erronda bat hasiko duela aurreratu du.
Oposizioko lehenengoa den Alderdi Kontserbadorearentzat, herritarrek orain dela bost urte eman zuten iritzia, independentziaren kontra eginda, eta SNPri aurpegiratu dio galdeketa berri bat lortzeko "obsesioarekin" jarraitzea, ekonomia eta zerbitzu publikoen kudeaketa lehenetsi beharrean.
M26ko Europako hauteskundeetan, SPNk botoen % 37 lortu zuen, bere historiako emaitzarik onena. Herrialde osoaren 6 europarlamentarietatik 3 eskuratu zituen. Erresuma Batuan, guztira, 73 dira.
Sturgeonentzat, garaipen hori Europako Batasuna uztearen kontrako mezu "sutsuagatik" izan da. Herritarrek 12 urtez gobernuan dagoen bere alderdiaren kudeaketa babestu dutela esan du.
Litekeena da hurrengo asteetan kontserbadoreen hurrengo buruzagi eta Erresuma Batuko lehen ministro izango denak Mayren jarrera bera izatea, eta gaiari ekiteari uko egitea.
Albiste gehiago mundua
Zortzi palestinar gosez hil dira Gazan, eskasiak markatutako beste egun batean
Horiek ere zenbatuta, 289 dira urritik desnutrizioak eta ur faltak eragindako hildakoak, 115 haur tartean. Gainera, gutxienez 45 pertsona hil dira azken orduetan Israelek egindako erasoetan.
Katrina: 20 urte AEBko hurakanik hilgarrienetako batetik
Bi hamarkada dira Katrina hurakanak AEBko hego-ekialdea jo zuenetik. 2.000 hildako eta milaka milioi dolarretako galera materialak utzi zituen zortzi egunez hainbat herrialde zeharkatzean. New Orleansen eragin zuen sarraskirik handiena.
Ukrainak bake seguru eta justua aldarrikatu du Independentziaren Eguneko mezuan
"Munduko bigarren armadarik onenari" aurre egin izana txalotu du Zelenskik, eta EBk eta Trumpek ere zoriondu egin dute.
Su-eten proposamena onartzeko eskatu diote bahituen senideek Netanyahuri
Gazako Zerrendan bahituta dauden israeldarren senideek deituta, manifestazio jendetsua egin dute berriro Benjamin Netanyahu lehen ministroaren aurka, eta Hamasek ontzat eman duen su-etenerako akordioa onartzeko eskatu diote.
Hawaiiko Kilauea sumendia berriro esnatu da
Hawaiiko Kilauea sumendiaren erupzioak kezka piztu du, laba jaurtitzen hasi baita berriro. Labak altuera handia hartu du eta gailurreko kraterraren sekzio batean zabaldu da. Abendutik izandako 31. erupzioa da honakoa, eta Kilauea munduko sumendi aktiboenetako bat bihurtu da horrela.
Israelek bonbardaketekin jarraitu du, NBEri entzungor eginez
Bonbardaketek Zerrenda jotzen jarraitzen dute, ospitaleak gainezka dauden bitartean, eta guztia, ONUk gosete egoera deklaratu ostean.
Mugarik Gabeko Medikuak: "Gazako pazienteak hezur eta azal ziren, bereziki haurrak"
Raul Incertis gobernuz kanpoko erakundeko mediku anestesista Gazatik itzuli berri da, eta bertan bizi duten egoera salatu du; izan ere, zentro medikoetan "zauritutako zibil asko jasotzen zituzten, bereziki emakumeak eta haurrak, janaria hartzen ari zirela tirokatuak". Medikuak esan du Israelek ezinezko egin duela Gazan bizitzea, eremu "postapokaliptiko" bihurtu duelako.
Txinan gero eta komunitate gehiago daude emakumeentzat bakarrik
Txinan goraldian daude elkarrekin bizitzea erabakitzen duten emakumeen komunitateak, familia tradizional bat eraiki beharrean. Beren burua zaintzeko libre bizitzea aldarrikatzen dute emakume horiek.
Kanadak AEBren aurka errepresalia gisa ezarritako muga-zergen zati bat kenduko du, Trumpekin akordioa errazteko
Gaia gertutik jarraitzen duten iturrien arabera, Carneyk % 25eko zergak kenduko ditu AEBk, Mexikok eta Kanadak sinatutako USMCA merkataritza libreko hiruko akordioaren estandarrak betetzen dituzten Estatu Batuetako merkantzientzat. Hala ere, Ottawak % 25eko muga-zergak mantenduko ditu altzairu eta aluminioarentzat, baita autoentzat ere.
Nord Stream gasbidearen sabotajeagatik Italian atxilotutako ukrainarrak Alemaniara estraditatzea errefusatu du
Gainera, akusatuak ukatu egin ditu Alemaniako justiziak egozten dizkion delituak.