Bi petrolio-ontziri ustez eraso egin diete Omango golkoan
Bi petrolio-ontzi hustu behar izan dituzte ostegun honetan, Omango golkoan, ustezko erasoen ondorioz, iturri ezberdinek Reuters albiste-agentziari azaldu diotenez. Hasiera batean, IRNA Irango albiste-agentziak horietako bat hondoratu dela jakinarazi badu ere, ondoren ontziak sutan jarraitzen zuela azaldu dio Irango arduradun batek IRIB telebistari.
Erresuma Batuko Merkatal Itsas Operazioen taldeak (UKMTO), tartean Royal Navyk, abisua eman du. Omango golkoan, Irango kostaldetik gertu, "gertakari" bat jazo dela jakitera eman du. "Erresuma Batua eta haren bazkideak ikertzen ari dira" gertatutakoa, UKMTOk mezu labur batean azaldu duenez.
Erreskatatutako ontziak Front Altair eta Kokuka Courageous dira. Lehenengoak Marshall uharteetako bandera du, eta Norvegiako Frontline ontzi-enpresak kudeatzen du CPC Taiwango petrolio-konpainiarentzako. Bigarrenak Panamako bandera du, eta Japoniako enpresa batena da.
Aurreneko ontzia Qatarretik Taiwanera zihoan, eta sutea piztu da Jaskeko (Iran) portutik 25 miliara. Bigarren petrolio-ontzia Saudi Arabiako portu batetik Singapurrera bidean zen. Honek ere sute bat izan du Jasketik 28 bat miliara.
Tradewinds egunkariak azaldu duenez, torpedo batek Front Altair jo du Fujaira emirerriaren kostaldean. Torpedo bat izan daitekeenak jo duela baieztatu du Taiwango petrolio-konpainiak.
Frontlineko bozeramaile batek VG Norvegiako egunkariari jakitera eman dionez, Front Altair-ek 75.000 tona nafta zeramatzan, eta su hartu du. 23 marinelak beste ontzi batera eraman dituzte, bozeramaileak esan duenez.
Norvegiako 'Front Altair' petrolio-ontzia. Argazkia: EFE
Bestalde, Kokuka Courageous BSM Singapurreko enpresaren ontziak segurtasun arazo bat izan du. 21 tripulatzaileak ontzitik atera behar izan dituzte, BSMko bozeramaile batek jakinarazi duenez. Marinel bat zauritu da, baina ez dago larri, argitu duenez.
"Kokuka Courageous-ek zonaldean jarraitzen du, eta ez dago hondoratzeko arriskurik", adierazi du BSMko bozeramaileak. "Metanol kargamentua osorik dago", gaineratu du.
Yutaka Katada Japoniako Kokuka Sangyo ontzi-enpresako presidenteak prentsaurrekoan zehaztu duenez, hiru orduko denbora tarte batean bi aldiz jo dute ontzia, tripulazio osoa atera baino lehen. Lehen erasoa 06:00ak aldera gertatu da. Ontziak 25.000 tona metanol daramatza, NHK Japoniako telebistaren arabera.
IRNA Irango albiste-agentziak azaldu duenez, Irango larrialdi eta bilaketa taldeek bi petrolio-ontzietako 44 marinelak erreskatatu dituzte. Jaskeko portura eraman dituzte.
Ondoren, ontzirik ez dela hondoratu argitu du portuko arduradun batek. Panamako bandera duen ontzian sua itzali dute jadanik, eta 21 tripulatzaileak ontzira itzuliko dira segurtasuna egiaztatu ondotik. Bitartean, beste ontzian suak jarraitzen du.
Estatu Batuek Irani egotzi diote erasoa
Bestalde, Mike Pompeo Ameriketako Estatu Batuetako Estatu idazkariak esan du bi petrolio-ontzi horien aurka gaur izan diren ustezko erasoen atzean Iran dagoela.
"Estatu Batuetako Gobernuarentzat Iran da Omango golkoan izan diren erasoen erantzulea", adierazi du komunikabideen aurrean egindako agerraldian.
Ildo horretan, Washingtonek Irango petrolioari ezarritako enbargatzea gogortu ostean, Teheranek Ormuzeko itsasartea blokeatuko zuela ohartarazi zuela ekarri du gogora. "Gaurko erasoekin promesa hura bete egin du", erantsi du.
"Aurrez probokaziorik izan gabe, eraso egin dute eta honek bakea eta segurtasuna mehatxupean jarri ditu; nabigatzeko askatasuna urratu dute, tentsioa areagotuz, eta hori onartezina da", esan du.
Halaber, Pompeok iraingarritzat jo du erasoa jasan duen ontzietako bat Japoniako izatea, herrialde hori Estatu Batuen eta Iranen arteko bitartekari izateko prest agertu dela kontutan hartuta. Iranek aukera hori baztertu egin zuen.
Ormuzko itsasartea, munduko merkantzia ibilbide garrantzitsuenetako bat
Iragan maiatzean, Omango golkoan, lau merkantzia-ontzi "sabotajeen" biktimak izan zirela salatu zuten Arabiar Emirerri Batuek. Ondoren, torpedoekin egindako erasoak izan zitezkeela erantsi zuen. Saudi Arabiak Irani leporatu zizkion. Teheranek, aldiz, ukatu egin zuen.
AEBek Iranekin akordio nuklearra duela urtebete hautsi zuen. Eskualdean tentsioa da nagusi. Ormuzko itsasartearen nabigazio segurtasuna jokoan dago. Munduko merkantzia itsasbide garrantzitsuenetako bat da; izan ere, Persiar golkoa eta Indiako ozeanoa lotzen ditu.
Mohamed Javad Zarif Irango Atzerri ministroak gertatutakoa "susmagarritzat" jo du. "Shinzo Abe lehen ministroa Ali Jamenei aiatolarekin bilduta zegoen, elkarrizketa adeitsu eta zabala izateko, petrolio-ontzien aurkako ustezko erasoak gertatu direnean", idatzi du Twitter sare sozialean.
Reported attacks on Japan-related tankers occurred while PM @AbeShinzo was meeting with Ayatollah @khamenei_ir for extensive and friendly talks.
— Javad Zarif (@JZarif) 13 de junio de 2019
Suspicious doesn't begin to describe what likely transpired this morning.
Iran's proposed Regional Dialogue Forum is imperative.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.