EBk porrot egin du berriro Europako erakundeetako karguak banatzeko saiakeran
Europar Batasuneko gobernuburuek eta estatuburuek astearte honetan jarraituko dute erakundeetako goi-kargudunen banaketa negoziatzen, hiru familia politiko nagusien arteko akordio bat lortzeko zailtasunak ikusita. Aldebiko bilerek eta 28 herrialdeen arteko negoziazioek luze eman dute, 24 ordu baino gehiago.
Ezohiko goi-bilera "bertan behera" uzteko erabakia hartu du Donald Tusk Europako Kontseiluko presidenteak. Igandean hasi zen Bruselan. Astearte honetan 11:00ak aldera berriz hasiko da, jakitera eman du Tusken taldeak.
Popularren, sozialisten eta liberalen arteko desadostasunak gainditzeko denbora gehiago eman nahi dute atzerapenarekin, egoera blokeaturik dagoelako, EBko iturriek azaldu dutenez.
Akordioa posible dela esan du Angela Merkel Alemaniako kantzilerrak, baina denbora bat hartzea beharrezkoa dela erantsi du. Erabakiak "presaka" hartzeak "datozen bost urteetan Kontseiluan tentsioak" sortzeko arriskua du, ohartarazi duenez.
Bestalde, goi-bilera "porrota" izan dela adierazi du Emmanuel Macron Frantziako presidenteak, gaua esna pasatu ondoren, baina buruzagiak jarrerak aldatzeko kapaz izatea espero du, asteartean "irtenbide berri" bat emateko.
Giuseppe Conte Italiako lehen ministroaren hitzetan, paketeak "10-11 herrialderen" oposizioa izan du, arrazoi ezberdinengatik Timmermansen izendapena ez dute onartzen, nahiz eta bozketarik ez egin.
Kazetari bat lo, Bruselan. Argazkia: EFE
Familia politikoen arteko borroka
Negoziazio formala igandean abiatu zen afari batekin, aldebiko bilerak egin ondotik. Frantziak, Alemaniak, Espainiak eta Herbehereek diseinatutako proposamena abiapuntua izan da. Frans Timmermans hautagai sozialdemokratak Europako Batzordea zuzentzea proposatu dute.
Nahiz eta Alemaniako kantzilerraren babesa izan, proposamenak Europako Alderdi Popularraren familiako gainerako buruzagien haserrea eragin du, EBko Exekutiboari uko egitea suposatzen duelako. Era berean, Manfred Weber Euroganberako presidentetzara bidaliko luke horrek.
Bestalde, Charles Michel Belgikako lehen ministroa EBko Kanpo Politikarako goi ordezkari eta Margrethe Vestager danimarkarra Exekutiboko presidenteorde izendatzearekin liberalak konforme geratuko lirateke.
Negoziazioen bigarren jardunaldian, diseinua berriz aztertu zuten, Kristalina Georgieva Alderdi Popularreko bulgariarra Europako Kontseiluaren buru jartzeko, popularren oreka geografiko eta genero parekidetasun irizpideak betetzeko saiakeran. Hala ere, Georgievaren izena dagoeneko baztertu dute.
Zure interesekoa izan daiteke
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.