Abian da EBko goi-karguak berritzeko prozesua, oraindik inor baztertu gabe
Europar Batasuneko estatuburuek eta gobernuburuek goi-bilera egin dute, bart, Bruselan, Batasuneko kargudun nagusi berriak izendatzeko prozesuari hasiera emanez. Oraingoz hautagairik baztertu ez badute ere, negoziazioa luzea eta zaila izatea aurreikusten da.
Europako Parlamenturako hauteskundeen ostean, 28 herrialdeetako buruzagiek egin duten lehen bilera izan da. Hauteskunde emaitzek inoizko Parlamentu zatituena utzi dute. Popularrek eta sozialdemokratek orain arte zuten gehiengoa galdu dute, eta aintzat hartu beharko dituzte liberalak eta beste alderdiak aginte postuak (Europako Batzordea, Europako Kontseilua, Europako Parlamentua eta Europako Banku Zentrala) berritzerakoan.
Lau orduko batzarraren ostean Donald Tusk Europako Kontseiluko jarduneko presidenteak kazetarien aurrean azaldu duenez, hautagai bakar bat ere ez da Europako Batzordeko presidente izateko lasterketatik kanpo gelditu. Herrialdeei dagokie hautagaiak izendatzea.
Kontseiluko presidenteak behin eta berriro adierazi duenez, negoziazioetan oreka bilatzen saiatuko dira: geografikoa, estatu handi eta txikien artekoa, afiliazio politikoa, edota genero ikuspegia. Hala ere, mundu errealean "oreka perfektua" aurkitzen zaila dela azpimarratu du.
Hauek dira berritu beharreko karguak: Europako Batzordeko presidentea, Europako Kontseiluko presidentea, Europako Parlamentuko presidentea (ez dute estatuek aukeratzen), Europako Banku Zentraleko presidentea eta Atzerri Politikarako EBren goi-ordezkaria. Tusken esanetan, ekaineko goi-bileran izendapen horien inguruko adostasuna lortzeko asmoz, aurrez bilerak egingo ditu.
Goi-bileran, izenen inguruan baino gehiago prozesuaz eztabaidatu bazuten ere, buruzagiak hasiak dira dagoeneko hautagaien inguruko aliantzak bilatzen.
Europako Alderdi Popularreko zortzi gobernuburuek, Angela Merkel Alemaniako kantzilerra buru dutela, Manfred Weber hautagai popularra babesten dute. Europa mailan zerrenda bozkatuena popularrena izan dela aldarrikatzen dute.
Sozialdemokratek eta liberalek, ostera, beren hautagaiak defendatzen dituzte, Frans Timmermans eta Margrethe Vestager, hurrenez hurren. Bi familia politiko horietako aurpegi ezagunenek, Pedro Sanchez sozialistak eta Emmanuel Macron liberalak, bilera egin dute beraien hautagaien alde egiteko.
Macronek amaierako prentsaurrekoan azpimarratu zuenez, zaila izango da bi alderdi horien artean karguak berritzeko gehiengoa lortzea Europako Parlamentuan.
Zure interesekoa izan daiteke
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.