Trumpek uste du azaroko hauteskundeen ostean akordioa lortuko duela Iranekin, herrialdea “suntsitzeko” mehatxua bota du hala izan ezean
AEBk, Danimarkak eta Groenaldiak irlari buruzko akordioa sinatu dute gaur, asteartean, eta Trumpek iragarri du “berehala” bi base handi zabalduko dituela bertan.
NBEko Batzar Nagusian egindako agerraldian, Iran "suntsitzea" mahai gainean duela adierazi du, baina gaineratu duenez, azaroaren 3ko hauteskunde legegileen ostean gerrari amaiera emateko akordioa lortuko duelakoan dago.
Hala, AEBko presidenteak esan du berak "bakea" egin egiten duela eta batzuek bakeaz hitz egiten dutela.
Halaber, Ukrainako gerra jendeak uste baino "azkarrago" amaituko dela ziurtatu du: "Errusiako eta Ukrainako buruzagiekin oso estu lan egiten ari gara, eta auzi hori konpontzea lortu egingo dugu. Uste dut jendeak uste baino azkarrago gertatuko dela".
Bere hitzaldian, gainera, Latinoamerikan jarri du arreta, eta eskualde horretan indar militarra erabiltzearekin mehatxatu du haren interesak arriskuan ikusten baditu. Horien artean, narkotrafikoaren "epizentroa" izatea leporatu dio Mexikori, eta Claudia Sheinbaumen Gobernuari lurraldearen "kontrola berreskuratzeko" eskatu dio.
Kuba, "huts egindako Estatua"
Kubak Nazio Batuen Erakundean duen ordezkaritzak osoko bilkura utzi du, Trumpek "huts egindako Estatua" dela esan eta Gobernuak uhartearn gainean egiten duen presioaz harro agertu ostean.
"Porrot egin du. Gainbehera dago, eta jai dauka", adierazi du AEBko presidenteak bere hitzaldian, eta bere Administrazioa “Kuban funtsezko aldaketa baten bila" dabilela adierazi du.
Sinatzeko unearen irudia. Argazkia: EFE
"Bi base handi" Groenlandian, "berehala"
Groenlandiari buruzko akordioari dagokionez, Trumpek ziurtatu du "berehala" hasiko direla uhartean bi base militar handi eraikitzen. Izan ere, astearte honetan bertan sinatu dute akordioa alde guztiek.
"Berehala hasiko dugu kokapen egokietan presentzia militar handia izateko prozesua. Tamaina handiko bi base militar eraikiko ditugu", iragarri du.
Zure interesekoa izan daiteke
RTE Irlandako irrati-telebista publikoaren egoitza hustu dute, bonba abisu bat jaso ondoren
Tentsioa Paraguaiko kaleetan, Ueno bankuaren porrotak sortutako krisiaren eraginez
Trumpek dio Iranek 25 urte beharko dituela "berreraikitzeko" eta "laster" erabakiko duela "gainerakoa suntsitu ala ez"
Gutxienez 448 pertsona atxilotu dituzte eta 53 polizia zauritu dira manifestazioetan Frantziako Estatu osoan
Dimisioa eman du Santiago Peña Paraguaiko presidenteak, Ueno banketxearen esku-hartzea dela eta
Bonba-mehatxu faltsuek Europako 25 hegaldiri eragin diete
Azaroaren 9an hasiko da Turkian COP31 klima bilkura, konpromisoak akordio bihurtzeko erronkarekin
Trumpek onartu du gerrak eragin duela errepublikanoen porrota, baina Irani berriro eraso egingo liokeela esan du
Frantziako odol-bankuek zibererasoa izan dute, eta hozkailuetako tenperatura muturreraino igo dute
