Hiru hildako Santiagon eta larrialdi-egoera Concepcion eta Valparaiso probintzietan
Bi pertsona hil dira sute batean Txilen, Santiago hiriburuko San Bernardo auzoko supermerkatu batean. Metroko txartelen salneurria garestitzeko erabakiak protestak piztu ditu herrialde osoan.
"Lider supermerkatu batean piztutako sutean bi pertsona hil direla deitoratu behar dugu", zabaldu du Santiagoko Alkatetzak Facebook sare sozialean, eta Txileko Gobernuak baieztatu du ondoren.
"Oraindik ez dakigu ordena publikoa urratzen edo lanean ari ziren", esan du Karla Rubilar intendenteak Cooperativa irratian, eta hiru pertsona hil direla jakinarazi du. Ordu batzuk geroago zehaztu dutenez, hirugarren pertsona larri baina bizirik dago, gorputzeko % 75 erreta.
Hildakoak ez dira supermerkatuko langileak, Walmart enpresak egin eta Chilevision telebistan zabaldutako oharraren arabera.
Gainera, beste pertsona bat hil da beste supermerkatu batean izan den sutean. Matucana kaleko supermerkatu batean aurkitu dute hilda.
Soldaduak manifestazioak blokeatzen, Santiagon (Txile). Argazkia: EFE/Elvis Gonzalez
"Delinkuentzia, lapurreta eta arpilatze ugari" izaten ari direla adierazi du Alberto Espina Defentsa ministroak. Horregatik, 1.500 soldadu zabaltzeko agindua eman du, etxeratze-agindua betearazteko.
San Bernardo salbuespen-egoeran dagoen Santiago hiriburuko auzoetako bat da. Protesta baketsuak eta bandalismoa Santiagon hasi ziren, baina Txile osoan hedatu dira dagoeneko. Duela 30 ordu baino gehiago protestak hasi zirenetik lehen aldiz eman dute hildakoen berri.
Sebastian Piñera Txileko presidenteak larrialdi-egoera ezarri du Biobio eskualdeko Concepcion hiriburuan eta Valparaiso eskualde osoan.
Printzipioz, Concepcionen eta Valparaison 15 egun iraungo du salbuespen-egoerak, baina beste 15 egunez luza daiteke.
Honenbestez, Santiago eta Chacabuco probintzietan ezarritako larrialdi-egoera Concepcion eta Valparaisora zabaldu dute agintariek. Era berean, Santiagoko Puente Alto eta San Bernardo auzoetan ere dago indarrean.
Andres Chadwick Txileko Barne ministroak jakitera eman duenez, 960 pertsona atxilotu dituzte azken 24 orduetan; horietatik 244, etxeratze-agindua urratzeagatik. 103 ekintza larri izan direla ere esan du Chadwickek: 50, Santiago hiriburuan bertan, eta 53, Txileko beste hainbat hiritan.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.