Keak Sydneyko zerua estali du suteen ondorioz
Ehun sute baino gehiago piztu dira Australiako ekialdeko kostaldean, horietako batzuk Sydneyko periferiara heldu dira. Ostiral honetan, abenduaren 6an, ke-geruza lodi batek estali du Sydneyko zerua, eta, horren ondorioz, bertan behera geratu dira asteburuan egingo diren kirol-ekitaldiak.
Australiako metropoliko biztanle ugari, kutsaduratik babesteko beren aurpegiak maskaraz estalita atera dira kalera.
Hiriburua Sydney den hegoaldeko Gales Berrian kontrolik gabeko 46 sute txiki eman dira, horietako sei segurtasun publikoa arriskuan dagoenean aplikatzen den "behatu eta jardun" alertapean, Suhiltzaileen Landa Zerbitzuak jakinarazi duenez.
Erakundearen arabera, gutxienez 684 etxe suntsituta geratu dira estatu osoan zehar hedatzen ari diren eta hiri eremu handietara, Sydneyko mendebaldea barne, hurbiltzen ari diren suteen ondorioz.
Queensland estatuan, Australiako ipar-ekialdean, dozenaka suteek eskualdea suntsitu dute eta suhiltzaileek hainbat herri hustu dituzte.
Shane Fitzsimmonsek, Suhiltzaileen Landa Zerbitzuko mandatariak, suteen denboraldian suhiltzaileek aurre egin beharreko baldintza gogorrak azaldu ditu prentsaurreko batean.
"Abendua eta otsaila bitartean batez bestekoaren azpitiko euriteak espero ditugu, eta tenperaturak ohi baino goragokoak izango dira; horrek, zoritxarrez, suteen arriskua handituko dela adierazten du", azaldu du ordezkariak.
Sare sozialetan, #sydneysmoke (Sydneykea) etiketa baliatuz, erabiltzaileek ehunka argazki eskegi dituzte, non hiriko hainbat lekutan ke laranja ageri den zeruan.
Malcolm Turnbull lehen ministro ohiak hegazkin batetik hartutako Sydneyren argazki bat argitaratu du Instagram sare sozialean, keaz estalita, eta krisi klimatikoari egotzi dio azaroaren hasieratik herrialdea suntsitzen ari diren suen basakeria.
Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".