3.000 erreserbista deitu ditu Australiak, 23 hildako eragin dituzten suteen kontra
3.000 erreserbista mobilizatu ditu Australiak, hego-ekialdea erretzen ari diren suteen kontra borrokatzeko. Bertan egoera "katastrofikoan" daude, eta beste bi pertsona zendu ostean, 23 dira orain hildakoak.
Bi biktima berriak Kangaroo uhartean hil dira, Hego Australiako estatuan. 100.000 hektarea erre dira, gehien bat Flinders Chase parke nazionalean. 60.000 kanguru, 50.000 koala eta arriskuan dauden animaliak bizi dira bertan.
Milaka suhiltzailek eta erreserbistak borrokatzen jarraitzen dute, gauean ere, Hegoaldeko Gales Berria eta Victoria estatuetan oraindik aktibo jarraitzen duten 200dik gora suteen kontra. Hiru milioi hektarea erre dituzte.
Gutxienez sei pertsona oraindik desagertuta daude Victorian. Gutxienez 50 sutek aktibo jarraitzen dute estatu horretan. Beste 150 fokuak Hegoaldeko Gales Berrian daude, estaturik kaltetuenean. Horietako hamarren inguruan alerta totala dago.
Scott Morrison lehen ministroaren arabera, 23 pertsona hil dira irailean hasi zen suteen denboraldian. Horietako hamabi azken astean hil dira.
"Prezio altua ordaintzen ari gara", esan du Morrisonek, biktimak eta irailetik erre diren 1.500 etxebizitzak gogoratuta.
Erreserbistez gain, Adelaide ontzia ere mobilizatu du Morrisonek, kaltetutakoak ebakuatzeko; base militarrak ireki ditu biktimak behin behinean hartzeko, eta 20 milioi dolar australiar bideratu ditu lau hidrohegazkin alokatzeko.
Azken asteetan kritika gogorrak jaso ditu lehen ministroak, suteei emandako erantzun ezagatik. Kaltetutako inguruetako bizilagunen gaitzespena ikusi zuen Morrisonek: agurtzeari uko egin zioten eta lehen ministroa iraindu zuten.
Larunbatean, tenperaturak 40 gradutik gorakoak izan dira Australia hegoaldean. Sidneyko auzo batean, adibidez, 48,9 graduko maximoak izan dira. Haizea gogor jotzen ari da, eta norabidez aldatzen ari da. Horrek suhiltzaileen lana zailtzen du.
Albiste gehiago mundua
Hainbat multinazionalek etekina lortzen dute Israel Gazan eta Zisjordanian aurrera eramaten ari den "genozidio ekonomiarekin"
Francesca Albanese Palestinarako errelatoreak egindako txostenaren arabera, Israelen genozidioarekin "mozkinak" lortzen dituzte Blackrock, Vanguard, IBM, Microsoft, Amazon, Google, Palantir Caterpillar, Hyundai, Volvo, Glencore, Drummond, BP eta Chevronek, besteak beste.
Trumpek Musk deserriratzeko mehatxua egin du, nahiz eta Hegoafrikako handi-mandiak AEBko herritartasuna izan
"Aztertuko dut", esan du AEBko presidenteak, deportazioaren inguruan zuzenean galdetu diotenean, kazetariekin izandako bilera labur batean. Ordu batzuk lehentxeago, dirulaguntzarik gabe "Elonek denda itxi eta Hegoafrikara itzuli beharko luke", adierazi du Trumpek sare sozialetan.
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.