Putinek aldaketa konstituzionalak proposatu ditu, eta Gobernuak dimisioa eman du
Errusiako Gobernuko kide guztiek dimitituko dutela iragarri du Dimitri Medvedev lehen ministroak. Vladimir Putin presidenteak, Parlamentuan, Exekutiboa hautatzeko protokoloen errebisioa egitearen aldeko hitzaldia eman eta minutu gutxira eman du Medvedevek erabakiaren berri.
Putinek eskumen handiagoak eman nahi dizkio Parlamentuari, Gobernua hautatzeko. Hain zuzen ere, lehen ministroa Ganberak onartzea du helburu agintariaren planak. Putin Errusiako lehen ministro izan zen 2008 eta 2012 urteen artean, presidente kargua hartzeko ezin zelako berriro aurkeztu.
Botere banaketa eredu berri honekin presidenteak ezingo ditu Parlamentuak onartutako hautagaitzak atzera bota, eta behartuta egongo da izendapenak onartzera. Putinek erreferenduma egitea proposatu du zuzenketa konstituzionalak onartzeko.
Erresiako informazio agentzia ofizialaren arabera, Medvedevek aitortu du oinarrizko aldaketak direla eta ez dutela soilik Konstituzioan eragiten, baizik eta Errusiako botere banaketaren orekan ere zeresana emango dutela.
Hori dela eta, Gobernua albo batera geratzea bistakoa dela esan du lehen ministroak, presidenteari beharrezkoak diren erabakiak hartzeko aukera emateko.
Medvedevek Segurtasun Kontseiluko bigarrena izateko eskaintza onartu du. Kontseiluaren zeregina presidenteari segurtasun nazionalaren inguruan aholkuak ematea da.
Vladimir Putin presidenteak Dumari Mijail Mishustin proposatu dio lehen ministro izateko hautagaitzarako Dmitri Medvedeven gobernuaren dimisioaren ostean.
Mishustinek 53 urte ditu eta ekonomilaria da. Kremlinak ohar batean adierazi duenez, 2010etik Zergen Zerbitzu Federalko burua da.
Putinen proposamen nagusiak
Hauek dira Putinek 1993ko konstituzioari egin nahi dizkion zuzenketa nagusiak, Parlamentuari eskumen handiagoak eman eta Errusiako sistema presidentzialista mantentzeko:
1.- Putin ados dago presidentearen agintaldiak bira mugatzearekin. Gaur egun konstituzioak jartzen duen muga bakarra presidenteak bi agintaldiren ostean kargua utzi behar duela da, baina horren ostean berriro itzul daiteke kargura.
2.- Agintariak hemendik aurrera Dumak edo Behe Ganberak lehen ministrorako hautagaitzan bozkatzea nahi du, orain arte oniritzia ematera mugatzen zen bere lana. Ministroordearekin eta Gobernuko gainerako kideekin prozedura bera izango da.
Presidenteak ezingo du Dumaren erabakia atzera bota, baina Gobernua kargutik kentzeko boterea izango du oraindik. Indar Armatuen eta segurtasun organoen gaineko botere zuzena ere mantenduko du.
3.- Presidentziarako hautagai izateko beharrezkoa izango da gutxienez azken 25 urteetan Errusian bizi izana (orain arte 10 ziren), eta ezingo dute errusiarra ez den beste hiritartasunik eduki edo atzerriko herrialderen batean bizitzeko baimenik izan.
4.- Estatuko funtzionarioek ere ezingo dute hiritartasun bikoitzik edo erresidentzia baimenik eduki, ministro eta epaileetatik hasi eta erregioetako buruetara bitarte.
5.- Nazioarteko itunak Errusiako konstituzioa eta errusiarren eskubideak eta askatasunak urratzen ez badituzte baino ez dira ezarriko herrialdean, Putinen proposamenaren arabera.
6.- Errusiako Presidenteak neurri horiek guztiak erreferendum bidez onartzea nahi du.
Zure interesekoa izan daiteke
Putinek ez du Zelenskirekin biltzeko proposamena onartu, eta aurrera egiteko agindu dio armadari
Gutun batean, Zelenskik beste herrialde batean biltzeko proposatu dio Errusiako presidenteari, hala nola Suitzan, Turkian edo herrialde arabiar batean. Gainera, gerra amaitzen ez bada, errusiarrek botere-aldaketa behartu dezaketela ohartarazi du.
NASAk bertan behera utzi du Nazioarteko Espazio Estazioa husteko alerta, astronautak bi orduz alde egiteko prest egon ostean
Errusiako tripulazioa, beste behin ere, 6 urte aktibo daramatzan aire-ihesa konpontzen saiatu da, astronauta estatubatuarrak ontzi batean babesten ari ziren bitartean, balizko ebakuazio baterako prest.
Ukrainan su-etena ezartzearen aurka egin du Putinek: "Bakea negoziatzeko ez dira zertan eraso militarrak eten behar"
Volodimir Zelenski Ukrainako presidenteak gutun irekia igorri dio gaur Putini, proposamen zehatz batekin. Bi mandatariak aurrez aurre elkartzea nahi du buruzagi ukrainarrak, gerrari amaiera emango dion bake-akordioa adosteko.
NBEko giza eskubideen buruak migrazio politika berria "berriz aztertzeko" eskatu dio EBri
Volker Türk goi-komisarioak adierazi duenez, arau berriek nazioarteko legeak eta EBkoak errespetatu behar dituzte, "migrazioaren kudeaketa justu, iraunkor eta giza eskubideekin duten konpromisoa islatuz".
Ukrainak 350 drone baino gehiago jaurti ditu Errusiara; tartean, Mosku eta San Petersburgora
Bezperan, Errusiako Armadak Ukrainako hainbat hiriren kontra egindako erasoetan gutxienez 21 pertsona hil eta ehun lagun baino gehiago zauritu ziren.
Trumpek agindu exekutibo bat sinatu du paperik gabeko migratzaileei finantza-sistemarako sarbidea mugatzeko
Presidente errepublikanoaren arabera, banku-sistema nazionaletarako sarbidea "herrialdean egoteko eskubide legala dutenek soilik izan behar dute", eta "legezko merkataritzan aritzen direnek".
Errusiak Ukrainaren aurkako eraso “masiboa” egin du, eta gutxienez hogei bat hildako eta ehun zauritu baino gehiago utzi ditu
"Kieveko erregimenaren eraso terroristei emandako erantzun" gisa deskribatu du bonbardaketa Moskuk.
Trumpek Netanyahuren aurka egin du Libanoren kontrako erasoengatik: "Zoratuta zaude"
AEBko presidentearen arabera, Irango gerrari amaiera ematea eta Ormuzko itsasartea irekitzea ahalbidetzeko akordiorako aukera egon daiteke datorren astean. Aitzitik, Teheranek iragarri du Washingtonekiko elkarrizketak eten egin dituela.
Trumpek iragarri du Israelek ez diola eraso egingo Libanori ezta Hezbollah-k Israeli ere
"Israelgo Netanyahu lehen ministroarekin oso dei emankorra izan dut, ez du Beirutera troparik bidaliko, eta bidean zeudenak bueltan dira", azaldu du Trumpek sare sozialetan argitaratutako mezu batean. Hezbollah-k ere ez duela erasorik egingo esan du.
Iranek adierazi du Libano su-eten akordioaren parte dela, eta Israelen erasoek ondorioak izango dituztela ohartarazi du
Su-etena ezarrita dagoen arren, Israelek erasoak areagotu ditu Libanon. Azken orduotan, Benjamin Netanyahu lehen ministro israeldarrak Armadari agindu dio Beirut inguruan dagoen Dahieh eskualdea bonbardatzeko, Hezbollahren gotorleku delakoan.