Abian da Trumpen aurkako epaiketa politikoa, Ukrainari presioa egitea egotzita
Abian da Ameriketako Estatu Batuetako Senatuan Donald Trump presidente kargutik kentzeko epaiketa politikoa. Prozesuaren lehen saioa kargugabetze prozesuaren araudia zehazteko baliatuko dute.
"Presidente bat kargutik kentzeko hirugarren epaiketa politikoa jarri dugu martxan", adierazi du Mitch McConnell errepublikanoen buruak Senatuan.
Epaiketa politikoak iraun bitartean John Roberts AEBko Auzitegi Goreneko presidentea izango da Senatuko burua. Prozesua hainbat izapide burokratiko betez abiarazi dute. Besteak beste, Jim Inhofe senatari errepublikanoak epaimahaiko kide izateko karguaren zina egin du. Epaimahaia Goi Ganberako senatariek osatzen dute.
Tramite horiek amaituta, epaiketa politikoaren araudia zehaztu dute. Aldeek 24 ordu izango dituzte, hiru egunetan banatuta, beren argudioak aurkezteko.
Hasiera batean, bi egun erabili nahi zituzten horretarako, baina McConnellek proposamena aldatu du azkenean, saioak goizaldera arte luzatzea ekarriko lukeelako.
Halaber, McConnellek azpimarratu du lehen saioa ez dutela amaitutzat emango epaiketa politikoaren araudia zehaztu arte. Demokratek hainbat zuzenketa aurkeztuko dituzte, eta, beraz, eztabaidak luze joko duela espero da.
Prozesu honetan frogak aurkezteko eta lekuko berriak deitzeko aukera izatea nahi dute demokratek.
"Gure hauteskundeetan eragiteko atzerriko agintari bati presioa egitea leporatzen zaio Trump presidenteari", nabarmendu du Chuck Sumer buruzagi demokratak.
Hauteskundeetan eragiteko presioak
Joe Biden AEBko presidenteorde ohiari kalte egiteko asmoz, Ukrainako Gobernuari presioa egin izana leporatzen diote Donald Trumpi. Zehazki, nagusikeria eta Kongresuari trabak jartzea egozten dizkiote.
Demokratek egindako salaketaren arabera, Biden ikertuko zutela publikoki iragartzeko eskatu zion Trumpek Volodimir Zelenski Ukrainako presidenteari, eta, egin ezean, AEBk emandako 400 milioiko laguntza kenduko ziola ohartarazi zion.
Alderdi Errepublikanoak gehiengoa du Senatuan: 100 eserlekutik 53 ditu. Hortaz, ezinezkotzat jotzen da demokratek Trump kargutik kentzeko beharrezkoak diren botoak lortzea.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.