Sanders gailendu da New Hampshireko Alderdi Demokrataren primarioetan
Bernie Sanders senatari ezkertiarra gailendu da astearte honetan Ameriketako Estatu Batuetako New Hampshire estatuko Alderdi Demokrataren hauteskunde primarioetan, AEBko komunikabideek egindako proiekzioen arabera. Iowako 'caucus'a irabazi ostean, Pete Buttigieg kokatu da bigarren tokian.
Botoen % 88 zenbatuta, Sandersek botoen % 26 lortu ditu; Buttigiegek, aldiz, botoen % 24,4 erdietsi ditu. Amy Klobuchar senataria geratu da hirugarren (% 19,8), laugarren Elizabeth Warren izan da (% 9,3) eta Joe Biden presidenteorde ohiak amaitu du bosgarren tokian (% 8,4).
Sandersen garaipena estua izan da; izan ere, aurreikusita zegoen alde handiagoa lortzea. 2016an, New Hampshiren, botoen % 60 lortu zituen, Hillary Clintoni gailenduta.
4.000 bat botoko aldea
Sandersen eta Buttigiegen arteko aldea 4.000 bat botokoa da (69.956 boto jaso ditu Sandersek, eta 65.649, Buttigiegek); hortaz, Iowan bezala berdinketa teknikoa izango zela pentsatu dute botoak zenbatzen ari zirenean.
24 ordezkari banatzen dira New Hampshiren, eta, proiekzioen arabera, Sandersek eta Buttigiegek 9na lortuko dituzte. Klobucharrek eskuratuko ditu gainerakoak (6); izan ere, Warrenek eta Bidenek ez dute % 15eko muga gainditu.
"Gure kanpainaren helburua ez da bakarrik Trump menderatzea; Ameriketako Estatu Batuak eraldatzea ere bada", esan du Sandersek, ehunka jarraitzaileren aurrean.
Emaitzak baieztatuz gero, eta Iowako primarioetan lortutako ordezkariak zenbatuta, Buttigiegek 23 ordezkari izango lituzke jada, eta Sandersek 21. Warrenek 8 izango lituzke, Klobucharrek 7 eta Bidenek 6.
Alderdi Demokratak Nevadan eta Hego Carolinan egingo ditu ondorengo primarioak. Estatu horietako ezaugarri demografikoak aztertuta, baliteke Iowako eta New Hampshireko emaitzak ez errepikatzea.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.