Milaka migratzaile Greziara sartzeko ahaleginetan ari dira, Turkiak xaxatuta
Milaka pertsonak Edirne (Turkia) mugako herrian eman dute gaua Greziara sartzeko asmoz. Salatu dutenez, Turkiako Poliziak Europar Batasunera igarotzera bultzatzen ditu, baina mugara heltzean Greziako Poliziak gas negar-eragileekin erantzuten du. Bi indar polizialen artean harrapatuta geratu direla esan dute errefuxiatu eta migratzaileek.
Izan ere, pertsona horietako batzuek EFE albiste agentziari kontatu dietenez, "zaindu bako muga-postuetara eramango gaituztela esaten digute, baina atzo egon ginen halakoetan eta badakigu ez dela egia: Greziako Poliziak ez du inor pasatzen uzten, eta gas negar-eragilea botatzen digu".
"Atzo ehunka lagunekin izan nintzen, tartean zeuden familiak eta umeak. Aurrekoek —greziarrek— gasa jaurtitzen ziguten, eta atzean genituenek —turkiarrek— ez ziguten atzera egiten uzten. 15 ordu eman genituen harrapatuta", adierazi dute.
Are, saiakera egin ostean, Istanbulera eta Turkiako beste hiri batzuetara bueltatzen direnean, atzera egin behar izaten dutela salatu dute errefuxiatuek, Turkiako agintariek muga herrietara doazen ibilgailuetara igotzen uzten dietelako bakarrik.
Turkiak xaxatuta
Migratzaileek azaldu dutenez, nork bidalitakoak diren ez dakiten autobusek Grezia eta Turkia arteko mugan barrena (25 kilometro) uzten dituzte, talde txikietan.
Mohamed izeneko errefuxiatu siriar batek eta beste kide batzuen esanetan, Turkiako Poliziak isolatutako herrietara eraman ditu, eta han trafikatzaileak dituzte zain. Evros ibaia igarotzeko laguntza eskaintzen diete, aurrez 50 euro ordainduta. Migratzaile horiek Greziara igaro balira moduan zenbatzen omen ditu Turkiak.
Turkiako agintariek emandako datuen arabera, 100.000 pertsona igaro dira Grezia. Greziako agintarien arabera, 100 bat migratzaile atxilotu dituzte modu irregularrean muga zehartzea egotzita.
Bien bitartean, hainbat gezurrezko albiste zabaldu dira errefuxiatuen artean. Besteak beste, Greziak muga berehala zabalduko duela edota talde txikiei pasatzen utziko diela hedatu da. Greziako agintariek, ordea, muga inguruan dauden nazioarteko telefono mugikor guztietara SMS mezua bidali dute esanez muga itxita dagoela eta hura igarotzen saiatzen den oro atxilotuko dutela.
Hainbat errefuxiatu Edirnen (Turkia) kanpatuta. Argazkia: EFE
Duela hilabete errefuxiatuek asilo eskaera egiteko eskubidea bertan behera utzi zuen Greziak, eta indarkeria erabilita erantzuten die saiakera guztiei. Hungariak ere bertan behera utzi du asilo eskaeren eskubidea.
Era berean, Greziako Poliziak salatu du migratzaile batzuek harriak bota dizkietela.
Itsasoan ere bai: Ume bat hil da azken orduetan
Bien bitartean, ume bat hil da azken orduetan Lesboseko uhartera iritsi nahian zebilen ontzi batean. Greziako itsas poliziak 47 lagun erreskatatu ahal zituen. Bi adingabe Lesboseko ospitaleetako batera eraman zituzten. Horietako bat korderik gabe iritsi zen, eta handik gutxira zendu zen. Bestea onik dago.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.