Trumpek iragarri du terrorista izendatuko duela faxismoaren aurkako mugimendua
Donald Trump AEBko presidenteak iragarri du Antifa (faxismoaren aurkako mugimendua) talde terrorista gisa izendatuko duela, herrialde osoan arrazismoaren aurka egiten ari diren protestetan izaten ari diren istiluen erantzule delakoan.
"AEBk Antifa erakunde terrorista izendatuko du", txiokatu du Trumpek, herrialdeko hainbat hiritan milaka pertsona Poliziak George Floyd gizonezko beltza hil izanaren aurka protesta egitera kalera ateratzear zeudenean.
Trumpen iragarpenarekin batera, William Barr fiskal nagusiak adierazi du Justizia Departamentuak agindu bat emango diola FBIri "agenda propioa bultzatzeko" aukera aprobetxatzen ari diren "talde erradikalak eta kanpoko agitatzaileak" identifika ditzan.
"Antifak eta antzeko beste talde batzuk istiluetan sustatzen ari diren indarkeria etxeko terrorismoa da, eta horrela hartuko da", ohartarazi du Barrek.
AEBko faxismoaren aurkako mugimendua, Antifa deritzona, indartu egin da Trump Etxe Zurira iritsi zenetik, eta gero eta aktiboagoak dira supremazista zurien aurkako manifestazioetan.
Alexandria Ocasio Cortez ordezkari demokratak, Trumpekin oso kritikoa denak, beste txio batean galdetu du ea FBIk zergatik ez dituen etxeko terrorista gisa tratatzen supremazista zuriak ere.
AEBko Gobernuak terroristatzat jotzen dituen nazioarteko erakunde eta herrialdeen zerrenda bat dauka, baina ez du etxeko terrorismoaren estatuturik.
Antifa askotan agertu da eskuin muturreko taldeen aurkako jardueretan, tartean 2017an Charlottesvillen (Virginia) izan zen supremazista eta neonazien manifestazio batean. Arrazista batek protestari antifaxistak harrapatu zituen autoarekin, eta emakume bat hil eta dozenaka pertsona zauritu zituen.
Trumpek polemika handia sortu zuen neonaziak eta ezkertiarrak jo zituelako indarkeriaren errudun, eta supremazista zurien artean "oso jende ona" zegoela esan zuelako.
Manifestariek ez dute etxeratzeko agindua bete Washingtonen
Zure interesekoa izan daiteke
Petrolioaren prezioak, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.