Polizia-etxe bati su eman diote Minneapolisen, hirugarren protesta egunean
Milaka pertsonak parte hartu dute bart hirugarren protesta egunean Minneapolisen (Minnesota, AEB); polizia-etxe bat erre dute, eta arpilatzeak eta bestelako istiluak izan dira. Poliziak George Floyd gizonezko beltza hil zuelako piztu ziren protestak asteartean.
Atzokoan protestak ez ziren Minneapolisen bakarrik izan, horren ondoko Saint Paul hirira (Minneapolisen hiri senidetzat jotzen dute) ere zabaldu baitziren.
Izan ere, Mike Freeman Hennepin konderriko fiskalak (Minneapolis horren mendean dago) egindako adierazpenek areagotu egin zuten herritarren haserrea, Derek Chauvin polizia, Floyden hiltzailea, atxilotzeko edo inputatzeko asmorik ez duela esan zuelako.
Ez zuen askorako balio izan Medaria Arradondo Minneapolisko Poliziaren buruak Chauvin eta atxiloketan parte hartu zuten beste hiru agenteak kaleratu eta Floyden familiari barkamena eskatu izanak.
Bestalde, Tim Walz Minnesotako gobernadoreak (demokrata) Guardia Nazionala (erreserba militarreko taldea) jarri zuen martxan, eta 50 soldadu inguru zabaldu zituen hirian. Duela 34 urte atera zuten kalera azkenengoz Guardia Nazionala herritarren protestak kontrolatzen saiatzeko.
Gaua iristearekin batera, suteak eta arpilatzeak ugaritzen hasi ziren Minneapolisen, eta milaka pertsona elkartu ziren hiriko polizia-etxe baten inguruan, Floyden heriotzaren protesten erdigune bilakatu den lekuan.
Manifestariek polizia-etxe bati su eman zioten, eta ospakizun artean ikusi zuten nola kiskaltzen zen eraikina. Su-artifizialak ere jaurti zituzten.
Floyd
Floyd (40 urteko gizonezko beltza) astelehen gauean hil zen, 20 dolarreko billete faltsu bat erabiltzen saiatzeagatik atxilotu zutenean. Polizia batek (Derek Chauvin) harrapatu eta belauna lepoan jarri ziola ikusten da kaleko jendeak grabatutako bideoetan.
"Mesedez, mesedez, mesedez, ezin dut arnasa hartu. Mesedez", esaten du Floydek polizia gainean duenean.
"Ezin dut arnasa hartu" Floyden oihua protestarien oihu bilakatu da, AEBko poliziek afroamerikarren aurka erabiltzen duten indarkeria agerian uzteko asmoz.
George Floyden heriotzaren aurkako protestak New Yorkera iritsi dira
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.